ياسلامي عليكم الف في الف وازيد = جــيت ياهــل المـــروه معتني للزوامل
كــلما قلت هانت عــــادها الا توقــد = كـم قــتل كـــم تيتم منّها كــــم أرامـــل

ياسلامي عليكم الف في الف وازيد = جــيت ياهــل المـــروه معتني للزوامل
كــلما قلت هانت عــــادها الا توقــد = كـم قــتل كـــم تيتم منّها كــــم أرامـــل

صعب عندي ارى كل يوم شعبي مشرد = في البلد عندنا نحتاج يد كل عامل
ذي حصل ربما تخطيط شيطان مارد = له مغازي وله اهداف للحقد حامل

فصل ثاني على الواجب دحق لا تردد = ناصر الحق والظالم عطه لا تجامل
همك اليوم همي راجعوا من تمرد = عصرنا عصر للوحده وعصر التكامل

قال شاعر من الأخبار قدني مكدر=هاجسي غاب عني واهجرتني الحليله
ما سمعته بحد من عهد يهرع وشمر= يعمد القتل ما يدرى هوية قتيله

سالم البيض سلمهاوبصم واشر=عاش مذلول في مسقط بعيشه رذيله
سمرالباب ماذلحين ماكن مسمر=والسواليف وحده بين مارب وخيله

قال باعجره المهجوس حالي مكدر=ويش باقول ياصحاب الشروع الطويله
في تعسف على جابر وتغيان لحمر=كل واحد يبانفسه يمثل قبيله
ونت يالحضرمي صابر على البرد والحر=مامعك غير تعتاد الحمول الثقيقله
مايحبوك لا يسلم ولاولد بصعر=بعد ماشلو المخزون نفط المسيله

شايف الوضع متازم بازمه يبشر=والعمودي قرب موته ولحضه رحيله
يومك انسان ضالم شل عفشك ودبر=كل ضالم لزوما بانبدل بديله
خايف الحرب تتوسع وارضي تدمر=وايش ينفع بكاءسالم ونوح الجليله
ياالعمودي رحل من قبل تندم وتخسر=سلم الجرب والسقمه ومال الغليله

حيابكم مني ميه والفين= قل ماتريده لاتجامل
وحلان انا في السيف ابو حدين= يومين يقطع شه مواصل

مادام قرحت بينهم لثنين = اهل البلا وهل المشاكل
شه بايجي واحد من الامرين= ياننفصل او حكم عادل

ياهاجسي لاتقابلوا الشعار=طرب على صحاب العضيده
لبغاء سمر لي يطرب السمار=وابيوت فنيه جديده

ياهاجسي لاتقابلوا الشعار=طرب على صحاب العضيده
لبغاء سمر لي يطرب السمار=وابيوت فنيه جديده

حيلبكم لا ياصحاب الدار= ياهل القرارات السديده
هذه السنه قد غيبت لشرار= والدور مقبل عالسعيده

شعارنا غثت بهم لخبار=لي في الجزيره والجريده
يالله عساء لايكشفون البار=اصحاب صنعاء والحديده