عاد الحبال امزرزره من امس مابعاد ارتخت=من يوم ما البوري تهربز عاعلي باكربشات
لا تقول لي راحت ولا باقول لاماجات جت=للان مازالت عبرنا في الكفف متوازنات

يامرحبا باللي بجيته السقيفه نورت=واستبشر المجلس فرح بك جم يازين الصفات
والليل بانسري معك بالله خذ منّي وهت=صدق المثل ذي قال شوف الرابحات الاولات
ياصاحبي رعيانها ماحاسبوها ع المبت=ولّا المجي هم تركوها ف الخبوت الخاليات
واللعبه الظاهر على اللعاب شفها اتكعلست=مفتاحها ضايع ومن ذي بايجيب الضائعات
حتى سماها لا صفت في ظرف ساعه غيمت=بس مزنها مقبل وبايزحي الغصون الراويات

قاضي تهاء وافق وبنت ابليس مبعد وافقت=خطيبها المسكين يمسي طول ليله جاي بات
اعمامها سكتوا وفرحوا يوم ابوها قد سكت=واخوالها سكتوا واخوها ما معه غير السكات
بس الصبيه عادها وسط الوصر مبعد سرت=متنظرة الصبحه تبا حلوى مع سنكر نبات

قاضي تهاء وافق وبنت ابليس مبعد وافقت=خطيبها المسكين يمسي طول ليله جاي بات
اعمامها سكتوا وفرحوا يوم ابوها قد سكت=واخوالها سكتوا واخوها ما معه غير السكات
بس الصبيه عادها وسط الوصر مبعد سرت=متنظرة الصبحه تبا حلوى مع سنكر نبات

كل ما سالناها تهز الراس والا تمتمت=والتمتمه ماهي جواب اهل العقول الزاكيات
ما بتسري مادام عاد الناس في خذها وهت=وعادها برزه كبيره تستهن ومداولات
لا ما وقع زامل وبرعه والرشارش حنحنت=ما بترضى يصبح شققها في سلال المهملات