المشاركة الأصلية كتبت بواسطة الطامع (المشاركة 315631) لا ياعمر خليتني نحتار = ورفعت ضغطي والحراره لاجيت لك يمنه رجعت يسار = حدد يمينك من يساره

عنده حليله ذيبنا المكار=وشرحها مثل الكراره
باحارثه غلبته والمحضار=والذيب من أهل الحضاره

يالمخشني صبري نفذ قد طار = مادام بوطارق بطاره
صابر على كلمه مثيل النار = وهاجسي شرر بناره

معروف بوفيصل هني وجدار=الفكر عند والجداره
باعدبه من غيرت التجار=يعرف قوانين التجاره

بدعيك لا يا رب يا ستّار=كل من خدع خلف الستاره
سلّط عليه الفقر هو وِبْوار=وإكشف لنا خيمه وباره

يابن مخاشن شاهي السموار=عندك وانا عندي غضاره
هت لي خبر في البيض والهدار=هل عاد في الموكب شراره

المشاركة الأصلية كتبت بواسطة أحمد العمودي أبوفيصل (المشاركة 315680) يالمخشني صبري نفذ قد طار = مادام بوطارق بطاره صابر على كلمه مثيل النار = وهاجسي شرر بناره

وينه أبو طارق خدع في الغار=وألا نشب وسْط المغاره
شاف العرب كلاّتهم ثوّار=كلن بغا حقّه وثاره

المشاركة الأصلية كتبت بواسطة سبع الليل (المشاركة 315683) يابن مخاشن شاهي السموار=عندك وانا عندي غضاره هت لي خبر في البيض والهدار=هل عاد في الموكب شراره

با نام قدني ... جيت لي مذعار=من يم قصيعر والمعاره
ذي باع جنّب وإنقمر قمّار=غابت نجومه معْ قماره

ليمان مانفعت كمى ليسار = ضر بن مخاشن من يساره
قدها طريق الكلب عالجزار = بثوري بصر ياهل الجزاره

المشاركة الأصلية كتبت بواسطة سبع الليل (المشاركة 315681) معروف بوفيصل هني وجدار=الفكر عند والجداره باعدبه من غيرت التجار=يعرف قوانين التجاره

تاجر وفقري كلّهم ( فـ ) دْمار=وإللي ببالي با دماره
شوف طين غزّه صابه الحِمّار=وعربات تسحبها حماره

المشاركة الأصلية كتبت بواسطة أحمد العمودي أبوفيصل (المشاركة 315688) ليمان مانفعت كمى ليسار = ضر بن مخاشن من يساره قدها طريق الكلب عالجزار = بثوري بصر ياهل الجزاره

قانون للطِّلْبه بغا تبصّار=حتى الشحاته بالبصاره
وجراب عا كتفك بغا صرّار=لك غرْس في هَلْ بازراره
بحبسك شفني داخل المسيار=حتى ولو عندك سيَاره