يالواقعي لو كان عندك شي خبر=خبّر وكل عالي بيرجع واطي
ولّا صبر عادك كما من قد صبر=على الرصاص الحي والمطاطي

الصيعري مكسوف بكسوف القمر=قال الحمومي: سجّلوا إنقاطي
هو ذي بدع كنّه من البرعات فر=والشعر حقّه ونا معي (( يا خاطي ))

نا محتجي مثلك ونعمد ف الضبر=الخير عندي كانزه بشناطي
اما انت عا المقبل وعاكل من دبر=تعزف مسيقا عينة السنباطي

بسم الوفاء للعهد يهل الذمه=سلام مني عد هزيم الراعد

من شانكم قد جيت يهل القمه=يوم الوفاء ف الناس حادر صاعد
اما قليل الخير ماني يمه=خله يتّمي حيث ماهو قاعد
انته يبو صالح دواه وسّمه=لوهو صغير السن ماهو راشد
نا منتظر منّك لراسي عمه=زرقا تغيض المبتلي والحاسد

البرد لي في السوط أو في يدمه=شفت العرب كلين منّه شارد
والسخط لا قد حل هو والنقمه= لا طاغية يسلم ولا كل فاسد
والثور لي قد لبّسوه العمّه=ماظن هذا الثور يصبح قايد

ما دمها الا لا حشا لا حشمه=والعاد حد عاقل ولا حد ناقد
الثعل سوّى مملكه فالخطمه=والقرد عا كل الفظايح شاهد

خارة قواه الثور هي والهمه = وإنت ياوجهت نظر لي سائد
وصاحبه خائن ولا له ذمه = قد حد له السكين لي له بائد

وسلام لك مرسول ياوعل النتر = ايام لك مابيننا محزور
راضي بحكمه .والقضاء هو والقدر = عالم بهم ذي خالق المعموره

واصل سلامك يارئيس الموتمر=والصوت جاء عبر الهواء والصوره
يامرحبا يانور عيني والبصر=والنفس منّك دائما مجبوره

صمت رأسي بالكلام المختصر = مثل الدرر عابساطنا منثوره
بسأك عاد الذيب مايدخل قطر = وفي عدن عامد وفي المنصوره ؟

كانت عيونه عالدراهم ف الكمر=وعلى الصرر لي عادها مصروره
والظاهر انّه راح في جزر القمر=يوم الحكومه خالفت له شوره

لاحول لاقوه .بغينا له بصر = ويعود يدخل مع رجال الثوره
ون قد بعد ولاعاد بيعيد النظر = مخباط واحد منكم عالخوره

اصل القور ماينفع اصحاب القور=لو ترتخي لحبال ذي مزروره
ان بت نفر ون جاء كما واحد نفر=اصل المحله بهلها معموره

وصحيح فيما قلت لكن العبر = في غيرنا بين العرب مشهوره
لكن ياصالح على بالي خطر = وسمعت .داره في الوطن مهجوره

ان قلت حن باقول ياخوك انكسر=لاجبرت العظمان ذي مكسوره
حتى ولو هي دار مبناها حجر=تبقى دليل احواله الميسوره

بني الأحقاف شو الصفراء بحق ما هيش معيوفه=وذلا في السمر كلن يجيب القول ذي معيوف
وألاّ القلب بفته ... حِب مركزنا معا ريوفه=وفي الصفراء وخم لكن فيها من لحوم الروف
ومولاها أبد ما يوم ما اكرم فيه إضيوفه=معه ميزان جدِّه با الربيعه ... فخر له مضيوف
و حِد الوعل ألا يا الذيب ... حدِّه من قدا نوفه=وخلّك في سلاسه ... لا تقرّب للوعر والنوف