|
عمر الذيب
الله سلم يامجمل من سلم=يوم المخيله رعدها يرعد رعيد بيجيك سيل الروس من فوق العلم=وردوف مسهونه من الغيث البعيد لي حنة ارعوده على سوط القثم=يمكن يجي ردفه على لول يزيد لان المخيله مستمره والاهم=الخوف تتوسع لعوره والرشيد |
اقتباس:
الشعب هو تعبان يالبكري فهم = العمل موجود واعمل ماتريد المشكله فينا ماهي في الامم = كلن بغا رتبه مقدم او عميد منهو بغا الاعمال يصبح يستلم = ومنهو بغا التخزين خله في الوقيد |
سلمتوا ياشباب
الذيب والغازي ومجمـل |
المخشني ماليوم يصوته قد نهم = والذيب بوطارق مسا يرعد رعيد يالمخشني حذرك لي خط القلم = خليك متحذر ولا تبعد بعيد لاني انا عزك ياراعي الكرم = لوقلت مهما قلت منته مستفيد |
اقتباس:
الله يستر قال شاعر عالعلم = الغيث لي مبعد لاتقلي بعيد ليهو بدأ يبرق في رؤس القمم = الغيث ذا حرار ومن نوعه فريد |
اقتباس:
الله يكفيحنا شر سيله ذا زحم=يشتاف مقتم فوقها حالك شديد من روس سر قد شملها الى قسم=بقعا كضمها كل ابوها بالرعيد الديك قد حذر منها القدمه فهم=ياطارف ارفع لاتقع للسيل فيد الله بايسترمن سيوله با الكرم=ما يعتبر الا ان تماسكتوايد بيد |
اقتباس:
يبدع ابوطارق وله خير الكلم = من سمح له تاريخ وله زايد يزيد يالذيب رب الكون بعدله قد حكم = من طغا في الارض ظلمه مايفيد خذ قسم في الجربه وماله مانقسم = يتما مسوا يشكون في الحر الشديد قد جاب له ربي ظالم يوم ظلم = معتلي جازاه واعقابه شديد منشي وكم عارض عساني لاعدم = مثلك وامثالك لاحوّل سعيد كل يوم وهو في شان خطه والقلم = والزمن دائر لايامه يعيد |
اقتباس:
قلوا لبوطارق عمر ماشي مهم = ماشي خطوره ع خميلة بايزيد حتى ولوجاها كما سيل العرم = ماباك تقلق ايه الراس الشديد شف كل شي محسوب عندي بالقلم = لاقد كتبت الشيك لازم له رصيد وحده بها رشاش واخرى بالعلم = باعيد ماضي ذاك هارون الرشيد |
ابدعتوا ياشعار
الى الامام |
فصل جديد ياللله
|
ياسلامي لبوطارق وطالب ومجمل=خيرمن ركب البنيان لاهل السقيفه ذاسلامي لكم ماغاث عالرؤس واسبل=ماطرالخرف جاب السيل يعجب عزيفة |
اقتباس:
جحدر قد جاب بدعه ريته لساس كمّل = قصر السلطان مبني وله عمدان كثيفه هذا عرفه عرف يبني وخيطه مذبّل = نعم لاركان اسست وحيودك منيفه |
يامراحب بجحدر يومه اليوم اقبل = شفت نوره منور كل هذه السقيفه هذا اليوم تكتب الرسائل وترسل = والرسائل أمخصوصه لعمك خليفه هذا طبعه ماجحدر ماعمره تجمل = على مجمل وابوطارق يقسم خريفه |
خليك يالقناص من هذا المهدل = مسكين ماجحدر ضيع سعيفه خليك مع صاحبك لي هو تعدل = بيبيع أعمره ويرضي حليفه |
اقتباس:
اشتد يالغازي لاجلك قوافل بانحمل = والادمي في الدنيا عليه يكسب حليفه
|
اقتباس:
مرحبا قول من جحدر وصلني مكمل = قدم الخيل ذي زاجي لنا من خريفه قالوا الحر هذا العام مقبل مدبل = قل لجحدر تعبنا نجد برده وصيفه باقي العمر باعيشه معزز مجلل = حنت النفس للموطن لبحره وريفه |
اقتباس:
يا مجمل وأنا تعبان مثلك مبهذل=مثل لجهر يداوونه بمرهم و صيفه ضاق حالي وفكر للوطن با ترحّــل=بس مالي وسع ... في الدار لأمي حريفه نومها ألا في أم سهمين دايم تدلل=والمسيكين شفني نام وسْــط السقيفه وأمنا شردتها من خشامر لعندل=وكل مظلوم يا مجمل فربك نصيفه محمد بن سعيد بن مخـاشـن |
اقتباس:
أخي الغازي ... الجواب جبناه على الزامل القائم حاليا
يا العمودي غلب ( مريود ) قط ما تبدل=قال ما به وجل وألا من الناس خيفه با يقول الحقايق ما بدا قد تسندل=وبا يذكي المعاني ما يقرّب لجيفه مريود = شيطان شعرنا محمد بن سعيد بن مخـاشـن |
يامحمد في الغربه ضروري تحمل = ذا مقدر على الانسان ماهو بكيفه لاتشاءم وشف خالتك لازم تعدل = لاتشهر بها وتقول وسخه وعيفه |
ماقصرتوا ياشباب ويعطيكم العافيــــــــــــة
الغازي مجمل القناص بن مخاشن |
يامجمل تجمل قل طالب يحمل = ذري الخرب ماليوم قد سن سيفه الهيج لي يهدر يامجمل مهمل = خايف تجيهم منه ضربه عنيفه |
ماقصرتوا بارك الله فيكم
واعذروني ياشباب هذه الايام مشغول شويه |
اقتباس:
إذن إسمح لنا يا بو راضي بهذا البدع ما دامك مشغول فإن قبله الإخوان وإلا فليبدع أحدهم بغيره:
وسلام ألا يا كافة الشعار=كلن بحاله له تحيه جينا على الداعي بلا أعذار=ويومها في الرجل خيّــه والوقت وقت ( الجور ) والدولار=ياويل من يده خليه ماله محل في الشام والأمصار=مخطي ولو دربه بتيه الجــــور = الجـــورو = اليــــورو محمد بن سعيد بن مخـاشـــن |
يالمخشني قتّر بمقدار = البرق في راس النشيّه نوب الصررمتعبه باصرّار = قصده يبا قرص البغيّه في العجله قد شفت نا مسمار = ماكن وله في الحبل ليّه لاتقلّب اليمنه على ليسار = لانته تبا وادي سهيّه والا ترفع من حريق النار = بين البياع والمشتريّه |
مرحيب بك ياريس الشعار = مرحيب بألرجال الوفيه أنستنا يالقحم ولد لخيار = نور القمر أشرق عليه المخشني قفل لهوج الدار = والقا حراسه داخليه لاجيت بسمر مع السمار = مجمل مايرد التحيه |
اقتباس:
كله من الحراث ذي في الغار=في الحيد ملقي له تكيّــه ما خاف من عقرب ولا ضعطار=عا الكتف ملقي بندقيه غيره في المغنى وفي الأسمار=وهو يدور عا الأذيه لا وحُــمْ يا القناص ما تعتار=ذي ما تناصح باعطيه حراثكم يا صاحبي مكار=وظني أصوله هاشميه وألا قبيلي قد ربي في الكار=بالوجه سحنه دوعنيه محمد بن سعيد بن مخـاشـن |
اقتباس:
مرحيب بالغازي ميه مليار=وإهدي إلى غيره تحيه من قاس لك بالشبر قس بالوار=وخلك أبد في حسن نيه محمد بن سعيد بن مخـاشـن |
يالمخنشي حافظ على المنشار = ليهو قطوعه قويه شوفك تقطع على الاشجار = حافظ علىأرضك شويه شفني انا واقف عا خط النار= وماسك أبيدي مدفعيه لاينفعك يسلم ولد بن دغار = ليهو طريقه ملتويه ليهو يشكي من الضعطار = ويحسب الحبل الحيه |
يالمخشني قناصكم محتار = انتم معي والا عليّه عامر دري باللي قد صار = ايضا ومولا العامريّه حراثنا قد ساير الشطار = يحموه في وقت الاذيّه الشحر ذي هي غنوة المحظار = الغيل والبندر نسيّه والدوعني ذي يملك القنطار = جده ملك والخاسكيّه وانته ونا وعيال بن عمّار = للفقر واحظوظ (ن) رديّه |
ياسلام عليك يابن مخاشن
وجودك منور السقيفه |
اقتباس:
قناصنا تقنص على الأطيار=هي والوعول المربعيه ـهكم طير تنكس به على الأشجار=وكم وعل بو قشعه عليّــه خليتني نا والعدو نحتار=إفيين خادع يا البليه؟ ما يكشفك ناظور أو رادار=وإللي يقص بعدك متيّـه والذيب كنه ما فقع عا الطار=فقعته تعجب ... عسكريه هي خير من شاهي على السموار=وقهوه بسنكر شاذليه محمد بن سعيد بن مخـاشــن |
يالمخنشي خلك من المحضار = يكفي من هذه الاذيه بطلبك ياعالم الاسرار = تهدي هذا وهذا شويه الدوعني لي عليه البار =هذا من حبه نقيه |
شكرا لكم شعارنا الكبار
|
اقتباس:
محضار سيد كامل المقدار=قايد بجيش المقعطيه من زام لول ما رضي ينهار=حيّـر قرامص والبقيه ما إنساه بن هاشم عمود الدار=يا ريت مثله ربْـع ميّــه وإنته مشيخ في الوطا والكار=واجبك تقدم بالسريه محمد بن سعيد بن مخـاشــن |
يعطيكم العافيه
وصح الله السنتكم ياناثرين الدرر الأعزاء الكرام الغازي القناص بن مخاشن |
مشكور يالنحوي ولك مقدار = شامخ واعتومك قويه
|
وينك يامجمل ياأخو بلقار = محتاج لك وقت السريه المخشني يدرج على لوصار = يبغى يعشيهم سويه المشكله من عند بن محضار = روح عليهم بألعشيه والشيخ بن عيسى لي عليه البار = يسقيك من عسل صافي بغيه |
وسلام للقناص ومن عنده حضر = ليهم على اليسرى وليهم عاليمين باخص أنا واحد انا شفته عثر = يومه صلع دايم يردف بالونين محسن بغا نفسه أصغر من عمر = وعمر ذا مسكين أصغر من حسينِ |
كلام يالغازي ودي منك صدر = مثل الدرر وزنوه كل الحاضرين بنشدك قلي لبو مخشن عبر = هت لي خبر منه عسا عقله رزين |
المخشني ضيع ميازين العبر = ضاع عقله ياعمر قدله سنين كله سباب الوقت هذا الغبر = نكد علي خلي لي عقله رزين يومه في الغربه بيصالي قدر = مكتوب ومقدر علينا من سنين |
| الساعة الآن 03:03 PM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir