المشاركة الأصلية كتبت بواسطة سبع الليل (المشاركة 319217) ماشي شهامه في عرب تهتاس=يسعون للفتنه وفراق البين ياخوي طالب لي سنه محتاس=باشوف شي مخزاه سد العين ذا لي حرق بنه وذا بالكاس=وذا لي ملاء بطنه وكل بيدين

حيا بذي هرجه ذهب والماس=مايهرج إلا بلكلام الزين
يالسبع شف طالب حسن حساس=له وجه واحد مامعه وجهين
واللي رخص لحمه امام الناس=ماعزه إلا الكنش بوسطرين
خرب على سمعت شداد الباس=مكسب سنه ضيعه في يومين

المشاركة الأصلية كتبت بواسطة طالب النعماني (المشاركة 319188) فصل جديد اليوم باقدش امام الناس=ياحبحبه حمرا على السكين مولاش قد باعش لبانواس=برخص حرجبش وعاده دين

يا بن حسن مكتوب في الكرّاس=كل ما لقيته زين وألاّ شين
من هو على المقدي خطاه الباس=والمفتري إعْذاب له ضعفين

المشاركة الأصلية كتبت بواسطة المخشني (المشاركة 319267) يا بن حسن مكتوب في الكرّاس=كل ما لقيته زين وألاّ شين من هو على المقدي خطاه الباس=والمفتري إعْذاب له ضعفين محمد بن سعيــد بن مخــاشــن

المشاركة الأصلية كتبت بواسطة سبع الليل (المشاركة 319217) ماشي شهامه في عرب تهتاس=يسعون للفتنه وفراق البين ياخوي طالب لي سنه محتاس=باشوف شي مخزاه سد العين ذا لي حرق بنه وذا بالكاس=وذا لي ملاء بطنه وكل بيدين

من كل بيدينه غدن ينداس=يا السبع قل له: با تذب لا وين؟
الشاه شاهنشاه شفته جاس=في كل بلد وأمسى في الهجرين
وحلم جاني قد ضربني ماس=رأيت حسني بات في الشجنين

الذيب كنّه بطّل القنباس=لا تقول عا كتفه أبو مقصين
سافر قدا بيروت أو مكناس=عاف الغذالب ذي في الرّضحين

المشاركة الأصلية كتبت بواسطة طالب النعماني (المشاركة 319254) حيا بذي هرجه ذهب والماس=مايهرج إلا بلكلام الزين يالسبع شف طالب حسن حساس=له وجه واحد مامعه وجهين واللي رخص لحمه امام الناس=ماعزه إلا الكنش بوسطرين خرب على سمعت شداد الباس=مكسب سنه ضيعه في يومين

وأما العمودي دوب هو معفاس=إيخرّب السمرات في كل حين
بكسيك يا أحمد بالحرير اللاس=والشرط لو فارقتني سنتين

جيبوا لنا أشعار فَص إقلاس=وألاّ تودّع منّكم ذا الحين
في ذي السقيفه ما نبا المجلاس=لا ما بها شعّار ممتازين

الهرج له شوكة وله مقياس= ياهل الجرامل هي بو سطرين
ماشي فوائد من كلام الناس= غير الفتن وتفرق الاثنين
يعجبني الزامل يصم الراس=من راس طالب شاعر الثقلين
وبن مخاشن ذي شديد الباس = وقت الشديد بيحضر او لين
واما مجمل حكم الاسواس= لاقد حضر شف كل شي بيبين
والسبع هوالذيب مع باداس= اساتذة في الشعر من قرنين
وبن مهنا في بحر غطاس = طلع حبوب اللول لجل الزين
وباقي الشعار في مدراس =حكموا شعوب الهند هم والصين
واليوم يالشعار نا محتاس= والهم عندي صار لي همين