طارحك جانا من رعد وبروق=يازين نسمات العلالي
والشيخ بانافع معه في الذوق=يفرز حلالك من حلالي

ميرادشفني لادخلت السوق=نقي حطيطات الذبالي
بحرالعرب سدي صبح مشقوق=سبة طويلات الدقالي

يا ذاري الجربه بقا تعنوق =لا يا حلالي يازولي
فالمنزله تحتيى و ببغا وق= ياققطب ياكلالي
ماكسبه الا القامزي مدقوق=خادم ويبغا فوق والي

من بعد هذا صاحبي معتوق=بعتقه بقروشي ومالي
بلقي كما ماقد لقى الفاروق=لي بشره رب الجلالي

بعض العرب للبعد مابيحوق=مابا ينوش بثقالي
لانه دهل عالخبز والمرقوق=مابي عرف طعن النصالي

يا ذاري الجربه بقا تعنوق =لا يا حلالي يازولي
فالمنزله تحتيى و ببغا وق= ياققطب قلبي ياكلالي
ماكسبه الا القامزي مدقوق=خادم ويبغا فوق والي

ماشي بغيه صافيه بيذوق=مسوى مشوك للطوالي
لابد له من غفلته ميفوق=في باطن الخمس الليالي

بايحتجي من لاعرف في اللوق=من ضرب بوزيد الهلالي
ولعاد بايهداء ولا بايروق=مادامه الليله قبالي

باحذرك لاقد دخلت السوق=لاتاخذ الا كل غالي
لاتاخذ الا بالثمن مطبوق=لجل الولد يدعيك خالي

صدري مقفل يشبه الصندوق=برغم ان لي قلب سالي
قلوا لبانافع زربت النوق=لي هن يضرن في حجالي

دايم مكاني في العلالي فوق=ياهل السمو واهل المعالي
ماباء رخص نفسي ولا بابوق=مثل السرق واهل التوالي

الضرب ياصاحبي خله فوق=خله يسرج فالجبالي
ولاترا صاحبك مابه عوق= يدحق على شنطوب عالي

من قال لك هام الجبل معذوق=عاده يعشش في الجبالي
حتى ثبت شفني انامخلوق=خبي سراري وسط حالي
لاخون في صاحب ولابابوق=اموال ماهي شف موالي
وبكيفكم كيه بينو لشروق=واتسمرو لما الزوالي

طارحك جانا من رعد وبروق=يازين نسمات العلالي
والشيخ بانافع معه في الذوق=يفرز حلالك من حلالي

بايحتجي من لاعرف في اللوق=من ضرب بوزيد الهلالي
ولعاد بايهداء ولا بايروق=مادامه الليله قبالي

بعض العرب شاله قده مشعوق=مشعوق من فوق الذبالي
والله مابغيته كسى باطوق=يومه من اكبار الرجالي

ميرادشفني لادخلت السوق=نقي حطيطات الذبالي
بحرالعرب سدي صبح مشقوق=سبة طويلات الدقالي

عادت لي لا قد زلف مخلوق=ولا غلّط منه بدالي
اما ضوا مرموح او مشنوق=حتى ولو اصغر عيالي

ماالليله الليله قليل الذوق =اما زواله او زوالي
ببني على جاله ونحوه طوق=ولعاد بعطيه المجالي

بعض العرب للبعد مابيحوق=مابا ينوش بثقالي
لانه دهل عالخبز والمرقوق=مابي عرف طعن النصالي

يغرى عليك لايق وبك منطوق=نعرفك لايابرج عالي
لكن يقولوا كل مع اهل الذوق=والبس بذوقك كل غالي

من بعد هذا صاحبي معتوق=بعتقه بقروشي ومالي
بلقي كما ماقد لقى الفاروق=لي بشره رب الجلالي