|
|
اقتباس:
اهلا رحب الفين يالطامع رحب = بين العرب قسمك ولك خيرالقسام
|
مرحيب يالطامع في الزامل رحب = لي جيتنا خبه على ذيك القدام ماليوم القناص في الموسم صرب = ليهو صبح يصرب وخلق الله نيام وش كلف القناص عاهذا التعب = ومنهو بغاء يحلم لازم ماينام لاتخاف يالقناص ماشي قد خرب = ذلا قدامك حنش سوداء وهام |
ياهاجسي كلن لاصله ينتسب=لاطمع في جلاله ولا صاحب مقام
|
اقتباس:
وسلام يا الطامع بخوري لك ينب=شاعر مقِـــل لكن كلامك جزل تام شعرك بغيه نوب عندك في رسب=وشعر بعض الناس جبنه خلْـط جام جام = مربى( قبل حوالي 45 سنة في حضرموت كانت كلمة جام هي السائدة وليست كلمة مربى ) محمد بن سعيد بن مخـاشــن |
لجام يالصاحب من الهندوس جت = قدجيت باتفتي ولاعندك يقين أبغاك تتريض على لعب الثبت = شفني أنا ثابت وعروقي ثابتين المخشني يرجم من داخل كبت = أبغاه يتعوذ من أبليس اللعين |
اقتباس:
أخي الغازي ... أولا: عسى كلمة جام ماهي نقب أو حنق حد؟ إذا كان الجواب نعم فالعفو مطلوب لم أكن أعلم ذلك. ثانيا: أصل هذه الكلمة إنجليزي JAM للمعلومية.
ياولد بن عيسى عسى أنك ما ( زِعِت )=خل الزعل مرفوع يا الشيخ الفطين وحيث ما بتيت يا شيخي نبت=قايد قطيرتنا من أميات السنين رابط لساني يا حمد لا ينفلت=خيّـر ونقرأ في رياض الصالحين زِعِـت ( بكسر الزاي والعين ) = زعلت بلهجة الساحل وحدراء. محمد بن سعيد بن مخـاشــن |
صح الله السنتكم ياشعارنا الكرام
الغازي القناص بن مخاشن ويعطيكم العافيه وربنا يديم الود والأحترام والجام عادهم الى اليوم والليلة في المكلا يقولون جام |
دعوى على عمي وايام خلت = بالقسم التركه نبا قسمي يبين العم وعياله واعجزوه سرت = عالزين من مالي ونخلي سارحين لارهن لامكتوب ولابيعه ثبت = ماغير بالقوه ولحنا راضيين البيع بالجمله مراكب قد سرت =بالخير لعياله من عنبه وتين لكبار قد هجوا واعجوزي بكت = لاخواني القصّر منين تصرف منين ماليوم انا تعبان وسنيني رمت = همي على ظعفي وزد وقت يشين والحكم للشعار والعاده جرت = بالعدل بانقبل لنا سنه ودين |
عمر الذيب
سميت والساني بنيه بسملت=والهاجس الليله ضواء يرطن رطين برطن وباغني وخذ مني وهت=بسقيك يالقناص في فيجان صين بدخل معك في بحر بنت اتزوجت=بالغصب ماهو بالرضاء يامسلمين وعقد بها كافر وعنده بيتت=في حسب ظني كلبوكم راضيين ياناكر المنكور عا الامه مشت=لعبه كبيره منها ياغافلين ان رضخت الامه لها واستسلمت=يالله بامانك يا امان الخائفين وان قامت الامه لها وتوحدت =با تسمعو حمران يردف بالونين |
مسكين بوطارق حياته تبهذلت = يومه ورى الامه من عدة سنين خلك من ألامه لمه تفرقت = من يوم ماروح عمك سالمين من جاء بيتكلم لسانه ترددت = كلين يشوف البتر في ذيك اللسين المخشني ماليوم عرومك تكسرت = صبت الهدف فوق الحيود النايفين فك اللسان الي تقول أتربطت = ماهمني رباطك وأفطن يافطين |
قد بداء الحصه ودروسه بدت = واجب علي نسمع وسعفي دارسين الهدف جابه على شاشه ونت = حط النقط لحروف سيد العارفين حمران معه لصفر حلومي اتبددت = القوي عمي وخذ من اليقين ماليوم يامعلم تلميذك سكت = هيبه لاستاذه يجي هرجه رزين |
تسلمون ياشعار
|
اقتباس:
|
اقتباس:
البنت لا يا الذيب شلت وإحملت=بتجيب لك مولود وإن قلته ثنين والكافر إللي قد خذاها منفلت=با يوخذ الأخرى بقوه أو بلين والله أنا زعلان شفني ما شمت=لكن كافرنا كما ليث العرين ما إقدر ولا تقدر نقاوم أو نبت=للمحكمه نشكيه عنده محاميين وأحسن لنا ندعيه للإسلام ... جت=بالإيد وألا بصر ربك ياضنين محمد بن سعيد بن مخـاشــن |
|
المخشني يالذيب خطامه منفلت = ياليت له ناصح هرجه بايزين للخبر نقرا واعلومه بدت = والنص بدا واضح واحروفه تبين المخشني ناشب خلايق كبرت = عالحكم هو وقع قضاته فاهمين المدعي حاكم والقاضي يبت = في الحكم لي مكتوب على عمك امين من خيبتي حاير احسن لي صمت = عالوقت ياذيبي عسا ربك يعين يالذيب جاوبني فكاري تحطمت = والمخشني عذرا لاسمك ذاكرين |
اقتباس:
ذيب الجبل با يجي لهم لا غيّمت=أسحم ولونه يشبه ألا لون طين قد له عوايد لا عُـيُـنْـهم سلهمت=يطمر في الأحواش من فوق السرين لو هو فقش واحد يكفّــي لو يمت=لن فقشته تقتل جميع الباقيين محمد بن سعيد بن مخـاشــن |
اقتباس:
شف رحمة الله يا رفيقي قرّبت=واليأس ما هو من خصال المؤمنين بس بندقك نزّله من وسْـط الكبت=خله على كتفك برنتي كل حين برنتي = جاهز محمد بن سعيد بن مخـاشــن |
الذيب قفا الغنمه ليهي ماضوت = وانتم دورونه ولانتم داريين الذيب مايلتام وأصحابه عوت = كلن في المسرى يبيت ساريين والمخشني يعوي داره أظلمت = كله سبب مريود أبليس اللعين أوراقهم ماليوم كلها تكشفت = كلن بيصيح بصوت الغافلين البنت لي حملت شوها أبتلت = بالغصب هي حملت واهلها داريين واليوم ياكم بنت منه أشتكت = يومه يغازلها كل لحضه وحين ياكم وكم واحد عيونه أدمعت = واليوم مع بنته يشاركها ألأنين |
عمر الذيب
هذه السنه غاثة وبرقة وارعدت=يابلكرم تسقي مطارح مسنتين يالمخشني القناص عينه خيلت=روس الشعاب المبعدين المفرعين من كل جهه يمطر علينا غيمت =يالله بلطفك يالطيف اللاطفين والسقف والعيدان فوقي قضقضت=فزعان لاتصبح على راسي عكين يوم القبائل كلبوها تقبضت=في كنداليزا بعد ماهب ليينين والتاليه من حيث ماسرحت ضوت=يالله بعونك يامعين الصابرين |
اقتباس:
ماليوم انا شيبه شعر راسي يحت = والزمن ياخوك طحن عظمي طحين ماغير ذا البلجيك عاكتفي حنت = من جا عالمشواف صبح موته يقين |
اقتباس:
حيا رحب بالذيب غيوثه ابعدت = والغيث لي خيل بخيله والعنين منشي وله بارق مطاره قربت = عالنجد مسا يمطر شل نخله وطين بالشال ياذيبي ناس تعممت = والثوب لي مسبل طرافه قاصين |
اقتباس:
قد ناد رأسي والحيود إتنودت=في الغار لسود مسكني ما إبني بطين لو أمطرت يا الذيب مهما أمطرت=ما أهمر صبيب المزن لو شل العدين خل القبايل كل أبوها أفلست=علي بنفسي ما علي بالباقيين دام النسم يجري في الحلقوم هت=ما عندهم مغضوبهم والضالين وسودة المدحس بظني إنهرت=قد ولـّــعت ما بينها هي والـ ( بتين ) وعيونها يا صاحبي ما أغمضت=يوم المجوسي يطحن الدنيا طحين ومنهم لثنين شف نفسي غثت=لكن عسى العقرب يخزوقها الضبين والكوري إللي له زنود إتفرتت=يا الله عسى يقطع لها عرق الوتين بتـيــن = بوتين محمد بن سعيد بن مخـاشــن |
باهني الغازي قوالة ترجمت = بحروف من صافي زخرفها لجين بايفصل الدعوى يوم تاخرت = والمتقي عاصي مع ابليس اللعين الذيب ناصحني وازماني طغت = ماحد ردع عمي ولا حد بايعين والمخشني عالم ولكنه سكت = والهاشمي وينك يالحصن الزبين دعوه لبن هاشم خذ منه وهت = اقوال له تعجب بن هاشم فطين والمعتصم وينه ولعت واجمرت = دركاه يامجمل قرونك حانيين |
صح الله السنتكم ياشباب
ويعطيكم الف الف عافيـــــــة الغازي القناص المخشني الذيب |
يارب يارحمن مالليله ستر = أستر على عبادك ليهم في أمان اليوم مالعصارشفته يعتصر = ليهو بداء يعصر في ساحل عمان الله يساعدهم ليهم في خطر = والله يرفع عنهم هذا الكيان الله يسلمنا ويسلم البشر = هذا شي مروع يزلزل بألمكان هذا عذاب الله لي جانا يحر = سبحانه الرحمن خلاق الجنان |
ياسلام عليكم ياشباب
ابدعتوا واحسنتوا الابداع |
اقتباس:
صح الله لسانك اخي الغازي والله يحفظ المسلمين وأوطانهم من كل شر |
بارك الله فيك اخي النحوي وكثر من امثالك
|
وينكم ياشباب
نريد فصل جديد |
اليوم يالشعار قرب السفر = باقي على العطله ياطالب ثمان مشتاق للوادي وحلان الهجر = مشتاق للبقرين والمكلا كمان مشتاق في بلادي حتى للحجر = وترابها عندي أحسن من عمان تفرح أذا شفت الجبل سدك ظهر = كأنك ملكت الكون في ساعة زمان |
طرح الفصل ياطالب
دورك اليوم والامشرف عالفاضي |
اقتباس:
صح الله لسانك والشوق يلقيه كله وان شاء الله مسافر تروح وترجع بالسلامه |
يالادمي راجع حسابك وانتبه = واحسب حساب الموت من بعد الحياه الله يعينك عالسنيين المتعبه = يارب تالي وقت تكيفني بلاه قد خضت في العشقه 12 تجربه = والحقتها بلوا ولامنها نجاه الاخوه الشعار هذا الربط من الشاعر عبدالله باني |
اقتباس:
ا
الغيث من فوقي وارضي شاربه = ما بادحق في ليل من دون الحذاه مانوكل اللقمه وقدها حاربه = ومن قطع فيها تالم من شواه وان كان حد مكسور ودّه تاربه = لاعند بن عامر يدور من دواه لاحد يدم الوقت لمه خاربه = حتى الولد دلحين مايتبع اباه |
احسنتوا ياشعار
|
باني هنا يغفل لأنه مشتبه = متهوم في تهمه مامنها بداه متهوم في سيطان وادي تاربه = كله سبب خاله وماجابه معاه يومه طمر في السيل وسط الغاربه = مسكين مايلتام يحسب حد قفاه ليهو شرد خلاك أنا باحاربه = بسقيه من عتمي لي ماحد سقاه |
اقتباس:
الفكر وحسن القول من ربك هبه = بالصبر والحكمه بلغ عاشق مناه العشق له وديان شقيّه متعبه = من دخل فيها نسي قوته وماه يابخت من خله قرب منه وله = من صدق لاحبه صدق فعله معاه |
قد قالها بن سلم دنيا خاربه = وابليس يترزح واصحابه معاه عشرين عام وكل وحده غايبه= شفتوا بنات الشيخ لي ضيّع عشاه؟ صيّح وكم صيّح ولاحد قاربه = حتى خوانه كل واحد مايباه |
| الساعة الآن 05:13 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir
