المشاركة الأصلية كتبت بواسطة طالب النعماني (المشاركة 324665) جمعه مباركه ياشباب

المشاركة الأصلية كتبت بواسطة راس البركه (المشاركة 324664) السلام عليكم ورحمة الله وباركاته يالسقيفه ويالحلان ودي معاكم=زاد راسي بكم ياهل الشروع الطويله بعد ماكلت لا يالربع واشربت ماكم=مابغا الا معكم كل لحظه وليله

قال سبع الليالي مالنا حد سواكم=الف حيا بذي جاب القوال الجزبله
راس بركه وصل بايحتمي في حماكم =لبو الصوت ياصحاب الكرم والفضيله

الف مليون حيا بالذي قد لفاكم = يستحق الوفا مولى الحصون الدويله
قل سبع الليالي يومه الخير جاكم = أرحموا قال شاعر باتسو فضيله

النجوم اختفت ماباقي الا سماكم =صافيه ياعرب حطو الحموله الثقيله
وحكموا كل منفذ لا يجي من قداكم =سيل يعبر بعرمه والمحط والمسيله
ساعة الصفر قربت والمخاوي ضواكم=بين لحظه ولخرى ترتقي كل حيله

باشرب قال شاعر من قهاوي دلاكم = يا وعول النتر يهل القرون الجليله

قل لطالب حسن يا ليتنا با لقاكم = ليلة الجمع فيكم باتقع خير ليله

شفت لهلال بازغ ياشبابي بسماكم = يوم هز الشبك هتفوا شيوخ القبيله
يومني الا هلالي يالسبع مانا كماكم = يوم كالوا لهم اليوم الفين كيله

المشاركة الأصلية كتبت بواسطة أحمد العمودي أبوفيصل (المشاركة 324911) شفت لهلال بازغ ياشبابي بسماكم = يوم هز الشبك هتفوا شيوخ القبيله يومني الا هلالي يالسبع مانا كماكم = يوم كالوا لهم اليوم الفين كيله

الفضاوه هباله يا العمودي عساكم=با تخلّي هلالك وكثيره وقليله
وإذكر الأرض ذي ربّـتك وإذكر حماكم=ساعدوها ... إنجدوها يومها جم محيله
ما معك قول له معنى وغيرك كماكم=قول دايم عمومي صرقعة بو فتيله
قل لشيخ الزوامل يا حمد وش غداكم!!!=وش عشاكم!!! تخبّر لا نسيت الحليله

المشاركة الأصلية كتبت بواسطة المخشني (المشاركة 324989) الفضاوه هباله يا العمودي عساكم=با تخلّي هلالك وكثيره وقليله وإذكر الأرض ذي ربّـتك وإذكر حماكم=ساعدوها ... إنجدوها يومها جم محيله ما معك قول له معنى وغيرك كماكم=قول دايم عمومي صرقعة بو فتيله قل لشيخ الزوامل يا حمد وش غداكم!!!=وش عشاكم!!! تخبّر لا نسيت الحليله محمد بن سعيــد بن مخــاشــن

يالربع ذا الخشيني ذا الاسد لي ضواكم =جابه الصوت والداعي وعزوة قبيله
وانعم قل لبوصالح شغبنا بطاكم=خير والخير تاتيبه رجال الوسيله
لك زمن يارفيقي غير ما حد حجاكم =مننا وامتثلتوا للهذاوي الضليله
نا معاكم وباتمي عصب في رداكم=ما لنا غير بوصالح يواسي خليله

عاد لي شور ثاني باقبض في لحاكم=يالرجاجيل ياصحاب القوال الثقيله
ردوا العين عالمجرى وصبوا حلاكم=واحصدوا البر لحمر والذره والبليله

المشاركة الأصلية كتبت بواسطة سبع الليل (المشاركة 325193) يالربع ذا الخشيني ذا الاسد لي ضواكم =جابه الصوت والداعي وعزوة قبيله وانعم قل لبوصالح شغبنا بطاكم=خير والخير تاتيبه رجال الوسيله لك زمن يارفيقي غير ما حد حجاكم =مننا وامتثلتوا للهذاوي الضليله نا معاكم وباتمي عصب في رداكم=ما لنا غير بوصالح يواسي خليله

ما إحتجي قل لبو جمعان با جي قداكم=شوقكم في فؤادي دوب ملقي زويله
بس دغرنا لوادي عمد لا ذيب شاكم=لي بخشمه ... يغنّي تحت ظل العسيله
وإنبسطنا شويّـه طيّب الله مساكم=يومه الدان بلسم للقلوب العليله
كن ذيبي شرد والظاهر إنّه مزاكم=أو عريسه لقيها وإفترسها بــ ( غيله )