(( انتصار الحب ))

على رغم الألم والهم وحزن وخاطر مذعور!! = نويت أطوي ملفاتي وأجيكم بأعذب الألحان!
وأجيكم من بعد غيبة أغني الدان والمجرور = واجنب كل آهاتي كفاية !! ليه متى أحزان ؟؟
أنا وش حدني عالهم يبيتني وأنا مقهور ؟؟ = ويسرف في معاناتي ويهديني العذاب ألوان!!
وأنا مالي ومال الحب يبادلني الألم والجور ؟؟ = ويهديني الفرح لحظة ولحظات الألم أزمان!!
ودنيا مالها غيري تزف الامها بالدور !! = وضيقة صدر تكويني وغربه مالها عنوان
وكنت في نيتي صادق بجنب دربه المهجور = وأعيش العمر متهني خلي القلب والوجدان
وبنسى كل ما شفته من فنون الكذب والزور = ومن رخص المشاعر لي غدت تنقاس بالأثمان!!
وكان العزم والإصرار سلاحي قلبي المنحور =وأتحدى أحاسيس تشابه ثورة البركان!!
الين انك ظهرتيلي وصرتي في حياتي النور= وصرتي عالمي كله خذيتيني من النسيان
غديتي حاضري كله وحلمي الحاير المغرور = ومجرى الدم في عروقي وسهر الشوق في الأجفان
ملكتي الذوق والرقة ومن عذب الدلال بحور= ومن أجمل وصوف الزين لازود ولا نقصان!!
ونور البدر في كوني يضوي ظلمة الديجور = ويهديني شعاع الشوق يدفيني ونا بردان
وعشت بقربك الإشواق أمير بعالمي مبهور = ملكت أسرار إحساسك كأني مالك الأكوان
ومن طيبك وإخلاصك بنيتلي الأماني قصور = غديتي لحن أشعاري ورتبتيلي القيفان!!
دخلتي دفتر أشعاري وزنتي شعري المكسور = وصارت غصب أبياتي تجيكي تعلن الإذعان !!
تجاري طبعك الحاني.. وتنظم درك المنثور = وتوصف لهفة العاشق لروعة حسنك الفتان!!
رسمتيلي في أشعاري من أحزاني عقود زهور = مسحتي كل أحزاني وكن الي جرى ما كان !!
وهبتك قلب وإحساس ومشاعر ما عليها قصور = وهبتك شوق واخلاص ومحبة مالها ميزان!!
ولو يقسى علي وقتي ودولاب الزمان يدور = أجيلك وارمي هموم(ن) ثقيله تسكن الامتان
واجيلك حامل اشواقي وأغلفها بصدق شعور =وازينها وارتبها بريح الورد والريحان
وابهديها لاغلى من سكن قلبي بلا دستور = فداه اللول من شعري مع الياقوت والمرجان
حبيبي جاتك ابياتي توصف حالة المذكور !!! = بوقعها باشواقي وبرسلها لأعز إنسان,,

المشاركة الأصلية كتبت بواسطة علي فدعق الهاشمي الشاعر الفـذ حسين بن عبدالله الشاطري ياحياك الله اكرر ترحيبي بك يالغالي شهادتي فيك مجروحة صح الله لسانك مدد بلا عدد يابوعلي إبداع منقطع النظير من شاعر جزل وافي كما عهـــــدناه ,,,لايقول مثل هذه القصيدة سواء شاعر له باع في الكتابة الشعرية بيض الله وجهك ولاهنت يالاجودي دمت بود

المشاركة الأصلية كتبت بواسطة عبدالقادر صالح فدعق الهاشمي السيباني .. بيض الله وجهك وأدام حرفك .... قصيدة ممتعة وعذبة ومن الوزن الثقيل .. تقبل كل إعجابي .. دمت في ود وعافية . .

المشاركة الأصلية كتبت بواسطة مجمل قصيده جزله مرتبه في كل شي دخلتي دفتر أشعاري وزنتـي شعـري المكسـور وصارت غصب أبياتي تجيكي تعلـن الإذعـان ياسلام على الكلام اللي من القلب ابداع من احدى عمالقة الشعر دمت في عز تقبل تحياتي

المشاركة الأصلية كتبت بواسطة عبدالله الجعيدي اخوي الهاشمي السيباني انت انتصرت للشعر بهذه المعلقة الرائعة وهي من اجمل القصائد التي اطلعت عليها اتمنى لك التوفيق والى الامام . تحياتي

المشاركة الأصلية كتبت بواسطة طالب باتيس النعماني بارك الله فيك اخي الهاشمي السيباني قصيه رائعه ومن اجمل القصائد