يامن تساوم عالوطن غيرك قصر

كل ماشكيت الدهر قالوا لي صبر = ماشي يجي بالسهل وإلا بالبرود
والصعب في ذا اليوم بكره ينكسر = واللي مضى لا تنظره مابايعود
قد لي تجارب سابقه اقراء الخبر = واعرفه ناقص كان او شي فيه زود
والحاصل ان الوقت في سرعه يمر = والناس تتطور ونحنا في جمود
نشبه مطارح مسنته ترجاء المطر = ماحد لها حرثان تبدع بالسدود
كانت من اول عامره فيها ثمر = فيها من الخيرات بالخضره تجود
كل ماكتبت الشعر وامعنت النظر = وذكرت اسباب التخلف بالبنود
ماحد قراء شعري ولا قاري عبر = او قال رايه في عباره بالردود
يامن تساوم عالوطن غيرك قصر = لا تفتنك ليّام او كثر الوعود
الدهر له يومين يومك قد عبر = واحنا لنا ايام لازم باتعود
ذا قول من شاعر ينادر من ندر = بالسير بالوديان والا بالنجود
بعض الامور الشايكه تبغى بصر = تبغى لها تدبير والحكمه تسود
تبغى سياسي حر ماقد انقمر = يمكن يحقق امنياتي والقصود
كثر الكلام اللي يقوله من ظهر = مابايجيب العدل وبرود الكبود
كم لي وانا نادي على كل من نشر = طالب بتعديل المساقي والبدود
والحكم للجمهور ان قد شي قصر = راضي ولو قالوا تعديت الحدود
اللي نشوفه في بلادي مايسر = امست عيوني من همومه في قهود
لو كل مواطن قام للعزه نذر = واوفى بوعده مثل موفين العهود
كان الوطن في خير ماجاه العسر = رايته شمّا عاليه فوق الحيود
ولعاد لي من قول غير اللي ذكر = في هذه الابيات مابطلب بزود

المشاركة الأصلية كتبت بواسطة بن بريك (المشاركة 789532) [COLOR="SeaGreen"] يامن تساوم عالوطن غيرك قصر [/COLOR كل ماشكيت الدهر قالوا لي صبر = ماشي يجي بالسهل وإلا بالبرود والصعب في ذا اليوم بكره ينكسر = واللي مضى لا تنظره مابايعود قد لي تجارب سابقه اقراء الخبر = واعرفه ناقص كان او شي فيه زود والحاصل ان الوقت في سرعه يمر = والناس تتطور ونحنا في جمود نشبه مطارح مسنته ترجاء المطر = ماحد لها حرثان تبدع بالسدود كانت من اول عامره فيها ثمر = فيها من الخيرات بالخضره تجود كل ماكتبت الشعر وامعنت النظر = وذكرت اسباب التخلف بالبنود ماحد قراء شعري ولا قاري عبر = او قال رايه في عباره بالردود يامن تساوم عالوطن غيرك قصر = لا تفتنك ليّام او كثر الوعود الدهر له يومين يومك قد عبر = واحنا لنا ايام لازم باتعود ذا قول من شاعر ينادر من ندر = بالسير بالوديان والا بالنجود بعض الامور الشايكه تبغى بصر = تبغى لها تدبير والحكمه تسود تبغى سياسي حر ماقد انقمر = يمكن يحقق امنياتي والقصود كثر الكلام اللي يقوله من ظهر = مابايجيب العدل وبرود الكبود كم لي وانا نادي على كل من نشر = طالب بتعديل المساقي والبدود والحكم للجمهور ان قد شي قصر = راضي ولو قالوا تعديت الحدود اللي نشوفه في بلادي مايسر = امست عيوني من همومه في قهود لو كل مواطن قام للعزه نذر = واوفى بوعده مثل موفين العهود كان الوطن في خير ماجاه العسر = رايته شمّا عاليه فوق الحيود ولعاد لي من قول غير اللي ذكر = في هذه الابيات مابطلب بزود بن بريك 1435/2/1هـ