اخواني المشاهدين لقد تاثر البارحه متاخر شاعرنا حسن باقديم واجريت له عمليه من الدوده الزايده وهو في تمام الصحه وهذه القصيده كتبها من سابق

( يقول ابو نورا )

المشاركة الأصلية كتبت بواسطة ابونورا (المشاركة 694397) bism2 تحية أعجاب وتقدير للشاعر الكبير باقديم موضوع دسم ثقيل حتى عالمتصفح :) :) نحتاج لساعات للأستمتاع بالقصيد الموزون قرأنا قصائدكم الاربعه الاولى ثم تنقلنا بعجاله بكل ماجاء بعدها فلم نجد الا كل جيد وجديد (( شكرا لكم ارضيتم ذوقنا حتى الثماله )) sallalah

عبر الفضاءء من اب نورا جات برقيه وسيم = مضمونها فيه الرضاء عن كل قصائد باقديم
ومكارم الاخلاق في التعبير له معنى وقيم = نلت الرضاء عني وانا دعوتي يرضيك الكريم
في الدين والدنيا وفي يوم الصراط المستقيم = يانائب المشرف وصل جودك كما السيل الهميم
منح ( الثماله ) قمة التعبير يرحمك الرحيم = والمدح والذم يعتبر ركنين والفارق عظيم
كل ركن بثوابته والميزان نبراس الحكيم = ولا خلق للشعر وكلام الهواجس والنظيم
لجواهر الحاجات مره والمفور والغميم = ماهي مزاجيه وذا حبه وذا شوفه خصيم
اداب مفروضه وهمز وغمز في اغلس عتيم = جرح المشاعر شين مثل النار ذي هي في الهشيم
باخاطب النائب حكيم العقل والراي السليم = بخطاب ودي باالحوار الهادف الزين الحشيم
انته سمو النائب ولي العهد من تحت الزعيم = سؤال هل ترضاء على قصرك تحط حارس ذميم
يرجم الجيران واهل الحي متلون شتيم = والثانيه ياعاقل اتخلف تقدم ياغشيم
هل انظمتكم هكذا والنهج هذا في الرقيم = والثالثه والرابعه بغلافها دالاً وميم
ان قلت لا اعلم ولا عندي ادله عاالغريم = عد الاجابه خاطئه لا تخصر القهوه بليم
بنود مرفوقه وتكفيك الاشاره ياحليم = واحد يصيبك منهن ماجبت بهتاناً اثيم
ومن هنا واجب تحط مبناك عاالعود الصميم = ولا تفرق في عرب سيئون والغنه تريم
هذا العشم ذي يخرج السقمه من الحال السقيم = والحكم والسلطه ( امانه ) والامانه شي عظيم
اّبت جبال الارض تحملها وسموات العليم = حتى تحملها كثير الظلم ذي ماهو فهيم
نسئله عفوه ماعليها عدل وزناً مستقيم = ونية المخلوق فانوسه في الليل الظليم
وختامها تبلغ تحيه عاطره من باقديم = لبن مهنأ هو وبن احمد ولاكم من زميم
مقدر نعددهم قصرت الجمع في جيماً وميم = واجلال وتحيات مثل المزن ذي يردم رديم
لباحث الموروث والتاريخ والآثر القديم = ذي له محبه في وسط قلبي وغرست في الصميم
ماجيت متزلف مدح بندقه ومدح في البزيم =عارفه رامي من ضروبه قد معي كمين صيم
باحث دقيق البحث دارس متطلع ناقد حكيم = بثوا خبر ودراك واستدعوه لوهو في القصيم
يدرك على باقديم صابه نطش مستنقع وخيم = ويدغسونه تمر روبه باالعمد هل باوسيم
حل النفاعه والدرك يامداوي الجرح الاليم = ياعود للدكيات ماتهزك مهب ولا نسيم