ما بي أشوفـك وما بـي اسمـع أخبــــــارك =ارحل من اليـوم عـن دنيـاي وأنسانــــــــي
كمّـل حياتـك مـع غيـري ومشـــــــــــوارك =وأنا حياتي بـدت مـع واحـد(ن) ثانــــــــــي
غابت نجومك وشمسـك وأنطفـت نــــــارك = ما عاد باقـي محـل(ن) لـك بوجدانـــــــــي
حرّمـت أناظـر بعينـي حـي بـــــــــــه دارك =وامشي على درب لك فـي يـوم ودانــــــي
عفتك وعفت النظر فـي قافـي أشعـــــارك =اللـي عليهـا مـن أول ركّـب الحانـــــــــــي
خلاص ما تطـرب أذنـي نغمـة أوتـــــــــــارك =وأعذب صدى صوت لك ماهيج أشجانـــــي
اسمـك مسحتـه مـن الخفـاق وأثــــــــارك.=ما عاد ينبـض وريـدي بـك وشريانـــــــــــي
أفشيت سري وأنا لـو بفشـي أســــــرارك= مـاراح لـك يلتفـت قاصـي ولا دانــــــــــــي
بحري أنـا حلـو وانتـه علقـم أنهــــــــــــــارك =عيت على ضفة(ن) لك تنبـت أغصانــــــــي
حاولـت مـن دون جدوا.غيّـر أفكـــــــــــــارك =من فيه شي فيـه يبقـى طـول لزمانـــــــــي
حرصك على المشي عكس السير وإصرارك=خـلاك تقضـي سنيـن لعمـر وحدانــــــــــي
لا تعتـذر لـي . لنفسـك وفـر أعـــــــــــذارك=وابعـد ولا تحتفـظ باسمـي وعنوانـــــــــــي
ماهمنـي مـوجـك العـاتـي وتـيـــــــــــــــارك= (رح منـت أول وآخـر مــن تحـدانــــــــــــــــي)
=شعر / عبدالله مبارك الجعيدي