تمر... مثل السحـاب المثقـل بمطـره=رذاذ وبلك خبر ينبـي عـن امطـارك
لاتستفيـض المشاعـر حدهـا شعـره=من جانبك ياخلي الهـم..( وأخبـارك)؟
السيل مايبطـي الاّ مـن كبـر كبـره=وياليت يصدق وتنبت عقبـه ازهـارك
قالـوا بـإن الغيـث بدايتـه قـطـره=وآخره يستعـر الشـوق مـن نـارك
قالوا سحابـة صيـف بعكـرة الغبـره=وبكره تشوف الريح تسـف اشجـارك
قالـو وقالـوا ولاقلنـا سـوى بكـره=من عام ونا انتظر بكره على حجارك !؟
ياكم خطفت وشفت طيفك مـع النظـره=ماشفتني في عيونك نصف مشـوارك؟
ياللي في بالي بجانب كوكـب الزهـره=نجم الثرياء كسب نوره مـن نـوارك
طيفي مسافـر معـك لآخـر السفـره=متى تحط الرحال وترسـي اسفـارك؟
اتعبت دربك سفر... ومد لـك جسـره=الى الامان ونسيته ونمـت فـي دارك
ان كـان ثقـل وتأنـي خلنـا نــدره=وان كان غيره فلا نقدر على اجبـارك
ياهيه.. ياللي.. ويامن.. نقبله عـذره=وان كان كاذب فنحنا نصـدّق اعـذارك
عبرت مثل السحـاب وتحتـه الجمـره=واطفى رذاذك سعير الوصل في نـارك