|
من قصـائد العيد
رسالة من صديقي سالم زين العطاس نقل إليّ الرسالة الواردة إليه أو هي رسالته منه مباشرة ، وأنقلها بدوري إليكم كما جاءت بدون استئذان من أصحابها.
نص الرسالة: ان شعرنا ليس مثل شعر الذين يقبضون مخصصاتهم من خزانة سيف الدولة كما يقال..لذلك بين الفينة والفينة نجعل من اللقاء حدث ومن الفراق حدث آخر ومن الاحداث الاخرى على الساحة حدث ايضا ونبدأ في تناوله قدر الامكان .. واليوم كان حديثي الشعري مع الصديق الاخ طيب القلب والذكر رقيق المشاعر وصافي النية ابا عبدالله الاخ عمر بن سعيد العكبري وكانت هذه المساجلة وللقارئ الحكم عليها بما يريد ونحن صدرونا مفتوحة لاي نقد او توجيه من اي عضو كان : قال سالم البدوي بلحمر :
ياعمر بعدما كلمت وسألت عني = انشرح خاطري وازداد عندي مقامك في اصالتك وتفانيك ماخاب ظني = ليتني الا معك خلفك وساعه امامك بسمع القول ذي موزون بتقان فني = باتعلم من افعالك ومبدأ نظامك لي رجاء منك لاتسمع تصانيف حسني = بايبيعك وعن غيرك يقل احترامك قال عمر سعيد العكبري :
لي عوائد في الاعياد شفني نهنيّ = وانت شليت ياسالم في الجود زامك مانعدك نفر عدك بعشرين شفني = يالذي تلقي المعروف دائم وسامك لاتخفي عليٌ امر في الحال فدني = خلني كل ساعه مطلع عاكلامك وعد منك ونا ذلحين ذا وعد مني = مانصالحه ذي ينوي دواما خصامك قال سالم البدوي بلحمر :
قهوة الضيف فيها زنجبيلي وبني = وانت لو جيت عندي باتحصل مرامك طيب الذكر يعرفني وداري برطني = كلما قربت منه راح وادخل خيامك ماقنصته والا سهم واحد ويغني = عن ميه من سهام اللي تسلف سهامك كيف نعرف شبح ساعه وساعات جني = وانت تعطيه في الخافي عظيم اهتمامك قال عمر سعيد العكبري :
انت يمني ونا عينتك من اصل يمني = نا سنيني علي تشهد وانته يامك يشهد الله اني قد سقيتك بدني = من بيار المساني يوم حفت عتامك والبساتين حفت واصبح الزرع مضني = والمزارع فسح في ارض سيده ولامك ياحجل زين لك تربه وموسمك مدني = والخريف الموضع ماتشله قصامك قال سالم البدوي بلحمر :
باشكي لك وخائف يحرقك وهج فرني = واحسب احساب من جرحك ومن انصدامك الجحيه ظمانه وانت عالبير تسني = عابساتين مادارت عليها سوامك مايفيد الرجاء فيهم وكثر التمني = بالعمد منهم قد نبهك من منامك لاتفرج علينا المشترح والمغني = خل بيدي خطامي وانت بيدك خطامك قال عمر سعيد العكبري :
ماعرفت الذي تقصد وماكنت تعني = حيرتني عناوينك وكثرة رقامك كل سنه قصر لك في وسط بغداد تبني = ماستامنت عالوالد وتركة عمامك عالبري ليش تحكم يالقضاء بتجني = قبلما تدرس الدعوه تصدر حكامك بالعداله حكم مابين شيعي وسني = لاتحرم حلاله او تحلل حرامك قال سالم البدوي بلحمر :
اقصد اللي اشترح وحده على صوت قطني = يحسب الفصل فصلي قانعه انسجامك حسبي الله من في الخافيه اتهمني = من رخامي كسى قصره وسيب رخامك من عماره وسط بغداد ربي صرفني = في مطارح بنيناها حجر من دقامك في المكلا وفي حي الميامين قدني = لجل عيني تشوفه ذي يطير حمامك قال عمر سعيد العكبري :
بعد شرب العسل والسمن يسقيه شتني = حار ذيهو يعرقل جيتك وانضمامك بانجرعه علقم قار ذي ماعرفني = باكسر له حسامه قبل يكسر حسامك ونت قاسي على خصمك وناخوك عدني = ماعذر منك عدني بارعد في جهامك ماعرف شدتك عاده ولاشاف وهني = ذي يشك في صلاتك او يشك في صيامك قال سالم البدوي بلحمر :
عادروبي مشي ماحد بضوه جهرني = دلها نجم يالليل المعتم ظلامك مانسي من بكلماته الرقيقه اسرني = بلغه ياعمر انه وصلني سلامك ليته الا يشل عيني ورمشي وجفني= بايشوف الذي ناوي يسمم طعامك بوعمر قال يابوزيد مره سمعني = واعطي الراس عز لو مارعد في غيامك |
انت يمني ونا عينتك من اصل يمنـي = نا سنيني علي تشهـد وانتـه يامـك يشهد الله انـي قـد سقيتـك بدنـي = من بيار المساني يوم حفـت عتامـك والبساتين حفت واصبح الزرع مضني = والمزارع فسح في ارض سيده ولامك ياحجل زين لك تربه وموسمك مدنـي = والخريف الموضع ماتشلـه قصامـك
باشكي لك وخائف يحرقك وهـج فرنـي = واحسب احساب من جرحك ومن انصدامك الجحيه ظمانـه وانـت عالبيـر تسنـي = عابساتيـن مـادارت عليهـا سـوامـك مايفيـد الرجـاء فيهـم وكثـر التمنـي = بالعمد منهـم قـد نبهـك مـن منامـك لاتفـرج علينـا المشتـرح والمغـنـي = خل بيدي خطامي وانـت بيـدك خطامـك استاذنا سالم علي الجرو نقل موفق لقد ابدع الكل غير انني اعجبت بتلك الابيات اسجل اعجابي بتلك المحاروه الهادفه بين شاعرين كبيرين تقبل مروري - مع خالص تحياتي |
هذا امر دبر بليل الكذاب |
اقتباس:
|
لباكم ياشعار الرياض تعلمونهم الشعر واسلوبه .ونشكر الاخ الجرو على مجهوداته فقط .
|
اقتباس:
رحم الله الأجداد وأعان الأحفاد |
ترابط وحبك وانسجام وايقاع موحد ,وحينما تقرأ المساجلة وكأنك تتجول في الشحر فقط ,ليس كغيرها من المساجلات تدخل الشحر وقليل وانت في مباسا ودار السلام في كينيا .هذا هو الشعر بعينه . |
سلام وتحيات على الرجال واهل الكلام الزين عيال نوح وسيبان
|
يامرحبا بالقول من هذا وذا =واللي نقل مشكور من هذا وذاك عمر الذيبالجرؤ ماقصر طرح سلة غذا =يالشاعر الفنان خذ منها غذاك وانك معك في عينك اليمنى قذا =من غير سالم بايبدي لك قذاك رجال ماعنده كذا والا كذا =بالله يالكذاب رح منا كذاك رح كفنا كذبك وشرك والاذا =والا اذانا جاك اكبر من اذاك |
اقتباس:
لا نعتب إلا على الذين نقرأ في شعرهم الشللية والتعصب ، ومثل هذا اللقاءات والمطارحات ترتقي بالكلمة الشعرية ، وصدّقني إذا زعمت بأنكم شعراء نتباهى بكم ، وكم هو فخر أن نقرأ لشعرائنا قصيد من الدرجة الأولى ، كقول شاعرنا وأستاذنا جمال العطاس:
مولى الكنيسة خالف اللاهوت=وأحبارهم مرّة مع الرهـبان آيات مُلكِهْ جات في التـابوت=لكنّهم تبعــوك ياالشيـطان داؤد ذاك اللي قتـل جـالوت=وأعطاه ربي المُلك والسلطان شفها حِكَم في عالم المـلكوت=وعِلمها ما هو لكل إنســان هاروت ما يسـحرك يا ماروت=وفرعون ما يحكم على هامان لاتحسب اليــورانيوم بـاروت=ياصاحبي أو قنبلة دخّــــان وبعد بكرة في وســط بيروت=الذيب با يرهب قطيــع الضان |
| الساعة الآن 08:27 AM. |
Powered by vBulletin® Version 3.8.9, Copyright ©2000 - 2025, Jelsoft Enterprises Ltd. TranZ By Almuhajir