ابديت بسم الله رب الجلالي = رب البشر ماخاب من يبتديبه
عساه يغفر لي خطايا فعالي = في يوم من هـوله غدا الشاب شيبه
يقول من عدا على راس عالي = نسل الشيوخ اهل الفعول العجيبه
كنان راسي لا غدى الموج عالي = قلوب جباّره وروس ٍ صليـبه
ابوي واجدادي وعمي وخالي = وعيال عمي فالظروف العصيبه
ومن بعد يالعاني ذكر في قوالي = سلام مني للجمال المنيـبه
عداد ماللبراق ضـوه يـلالي = ومانفح مسكه وعطره وطيبه
الجيد بو صالح جزيل الفعـالي = عند الشدايد كلنا نهتري به
هدّار داهل للحمول الثقالي = يشهد له خصومه ويشهد قريبه
الصعب والكايد وعسر المنالي = لاقد نواه الحيدري با يجيبه
هو راس مالي . ف اللقا راس مالي = واحد ولكنّه يساوي كتيبه
واثني على باتيس له قدر غالي = هذا صحيبي من يخلي صحيبه
انا اشهد انه فوق صم الجبالي = عمّر حصونه دون شكٍ وريبه
لله درّه مطمعه بالعلالي = خلاّ الوطا لهل النفوس الكئيبه
تشهد له العربان اول وتالي = كل المراجل قد طرحها . ب جيبه
مرحى لكم يا اهل السمو والمعالي = اقوالكم مثل العسل . من صبيبه
صاحبك لاقد جاب مرٍ وحالي = اصبر على مرّه . وشل من زبيبه
وان شي خطا . لهل الخطا ما نوالي = والجبر يبقى . واسمنا نعتزي به
واللي بغى يطلع قصورٍ عوالي = لابد ما يدفع رسوم الضريبه
والله من فوق المخاليق والي = يشوف حتى الذر . ويسمع دبيبه
والجيد بو خالد سليل الرجالي = سلام له ماهل ماطر خصيبـه
يبذل ويسعى للعلا ما يبالي = عند القبايل له مكانه وهيبه
كل من يدوّر مصلحة للرجالي = واجب علينا كلنا نعتني به
والختم صلو عد وبل السبالي = عالهاشمي ماخاب منهو حبيبه
عساه يشفع لي نهار الزوالي = وادخل جنان ٍ بالمراعي خصيبه

بو راضي

سلمت على مرورك

واطرائك

لك خالص ودي وتحياتي

العزيز
بو فضل سالم


مشكور من الاعماق يا بو فضل

كلامك جدا اسعدني

واثلج صدري


تقبل تحياتي

بو صاااالح


الله يعز شانك على تكرمك بالمرور هنا

والرد الجميل

صح بدنك

وانت استاذنا جميعا

وقدوتنا


تقبل تحياتي واحترامي

العزيز جدا

ميزان العقول


دائما تحجرني بكلامك الجميل

لك خالص ودي واحترامي وتقديري

الروعه هو مرورك واطرائك


صح بدنك