سقيفة الشبامي - رد على قصيدة غريب الدار

سقيفة الشبامي (http://www.alshibami.net/saqifa//index.php)

- سقيفة المسانده (http://www.alshibami.net/saqifa//forumdisplay.php?f=69)

- - رد على قصيدة غريب الدار (http://www.alshibami.net/saqifa//showthread.php?t=43533)

رد على قصيدة غريب الدار

يامرحبا ببيات شاعر ماخطاء=ماسردها من فضاء
جاب الحقيقه بعد مانزاح الغطاء=نسنس بصوت الدان
(ياحضرموت اتذرعي =بالصبر والايمان)
*************************
أربع ليالي والمواقع في وطاء=وغيث وادينا لطاء
وسحاب ربي ماتزحزح واعتطاء=وقشعرت لبدان
(ياحضرموت اتذرعي= بالصبر والايمان)
*************************
هذه السنه ماهي كما ذيك السنين =بحلف يمين
وان ردت الشاره عسى ربك يعين =بزرق وذهبان
(ياحضرموت اتذرعي =بالصبر والايمان)
*************************
هل عاد شي رحمه من المولى تعين=هذا اليقين
تتراحموا مابينكم يالمسلمين =وتتناولوا القران
(ياحضرموت اتذرعي= بالصبر والايمان)
*************************
وان كانها الأ تريقه دفعوا الثمن =طول الزمن
قولوا لي المرجع لمن =للواحد الديان
(ياحضرموت اتذرعي =بالصبر والايمان)
**************************
هذا الجزاء ياناس من جنس العمل =نعم المثل
سيروا سواء لاكنكم خلوا الحيل =والزور والبهتان
(ياحضرموت اتذرعي= بالصبر والايمان)
**************************
السيل ماهو سيل لي جاما وبس =من عالدكس
جانا الغضب كله ونس =ياغارة الرحمن
(ياحضرموت اتذرعي =بالصبر والايمان)
*************************
هذي اشاره والاشاره للحليم =وانت الفهيم
الثانيه باتعقب الليل الظليم =في شهر شعبان
(ياحضرموت اتذرعي= بالصبر والايمان)
**************************
من بايفرق بين ضحوه والمساء=قل للنساء
بعد الشرف والزهد يرمين الكساء=والحسم عريان
(ياحضرموت تذرعي= بالصبر والايمان)
************************
وين الذي يحنق ويخشى عالشرف =كله ترف
كل من قبض بالعود والقصبه درف =كلين ولهان
(ياحضرموت تذرعي =بالصبر والايمان)
************************
لولاء الحياء باقول ياناس اسكتوا=وبالرواقه تفقدوا
صلوا بنيه صادقه وأستغفروا=وعدلوا الميزان
(ياحضرموت تذرعي= بالصبر والايمان)
************************
الشر يعم عالناس مره كلهم =صغارهم وكبارهم
بالمرتبه لولاء يشل أسيادهم =وكبار لعيان
(ياحضرموت تذرعي =بالصبر والايمان)
************************
هذه قضيه والقضيه مانتهت =خذها وتبت
السطور السود شفها تورخت =عاطول لزمان
(ياحضرموت تذرعي =بالصبر والايمان)
*************************
طاقت بنا الوديان من كل الجهات =سيولهن متعاكسات
علوى وحدرى كلهن متحاكيات =بهمسات الاذان
(ياحضرموت تذرعي =بالصبر والايمان)
*************************
من روس دوعن بالسيوف الصارمات =وبالرماح مصوبات
هجمت على الاحقاف هجوم الفالات =وتهدم البنيان
(ياحضرموت تذرعي =بالصبر والايمان)
************************
وجاتها امدادات من وادي عدم=راس العلم
وماسيب وادي بن علي والعين ثم=سيلين عميان
(ياحضرموت تذرعي= بالصبر والايمان)
************************
شل المدن شل الموازع والنخيل=يصهل صهيل
ماهو بسبره لي تعدى عالسحيل=وحجول قحطان
(ياحضرموت تذرعي =بالصبر والايمان)
************************
سلمت الصفراء شبام العاليه=عنايه شافيه
الحمد لك والشكر ماهي واطيه=واوقاف ليتام
(ياحضرموت تذرعي =بالصبر والايمان)
************************
مالقهر والضيم الذي هو في القطون=خليت بطون
وتريم والمهره تباكتها عيون=الانس والجان
(ياحضرموت تذرعي =بالصبر والايمان)
*************************
وارض المكلا ماتعداها الخطر=وبندر عمر
وفوه مع البقرين والخور انكسر=ياخور صيفان
(ياحضرموت تذرعي =بالصبر والايمان)
***********************
عسى المعونات التي وصلت تعم=خيرات جم
تصل الى قاصي وداني بعد ماتبرى الذمم=مونه وسيمان
(ياحضرموت تذرعي= بالصبر والايمان)
***********************
وان كانه الا شغل بلويبك قنع=هيا ومع
باتنقهر لنفُس وبيزيد الوجع=وهدره وخرطان
(ياحضرموت تذرعي =بالصبر والايمان)
***********************
لكننا باقول ماشي يختفي=ابدا ولا باينتسي
القافله تسحب وطيارة علي=تغرف بلطنان
(ياحضرموت تذرعي= بالصبر والايمان)
**********************
القصد هذا ماجرى يالحاضرين=نعيش وحنا سالمين
وربنا يصلح لنا دنيا ودين=بالعفو والغفران
(ياحضرموت تذرعي= بالصبر والايمان)
***********************
والختم باصلي على الحق المبين=طه الأمين
تعداد ما في الكون من عنباء وتين=في كل بستان
(ياحضرموت تذرعي =بالصبر والايمان)
***********************

نرجو من الاخوه المشرفين تنسيق القصيده حسب مجراها ولكم الشكر الجزيل

تسلم سبع الليل
وين مغوباتك يا شاعرنا
شكرا على المشاركة

أرجوا تنسيق القصيدة

السيد سبع الليل تم التنسيق للقصيده

ولي باذن الله عودة مطوله امام هذه الباذخه !!!

فانتظرني..:)

ما شاء الله تبارك الله .. قصيدة حكم ودروس وعبر بكل ما تحتوية الكلمة اشكرك شكراً جزيلاً وتستاهل ان تثبت من قبل المشرفين الكرام
تحياتي لك اخي سبع الليل وبالتوفيق دائماً وابداً

تم التنسيق بعد نصف ساعة محاوله

أشكرك على القصيدة الرااائعة والرد الجزل على شاعرنا الموقر /غريب الدار (باذيب) الذي يدل على شاعريتك الفذه

ولانقول الاكما قلتما في التخميسة لهذه القصيده
(ياحضرموت تذرعي =بالصبر والايمان)

كان الله في عون الجميع

شاعرنا الرائع سبع الليل ..

قصيدة رائعة من الوزن الثقيل ليس غريب أن تكون من شاعر جميل و مبدع مثلك ....

لك كل التقدير على مانثرته من جمال هنا ..

لك التحايا .

.

شكرا جزيل للجميع وبدون استثناء وللذين قاموا بتنسيق القصيد
مــــــــــشكــــــــــــــــــــــــــــورين

تسلم قصيدة مرة رائيعة تقبل مروري