ياراعي الميزر البلجيـك بـو ستـه=
ليتك تصونه وتتحفظ علـى مجـراه =
و ان ماسمعت النصيحه ذي ولاصنته=
من دون شك بيلومونـك عبـاد الله =
ففهم الشاعر سالم باصره المقصد ورد قائلا :=
عساك قد السلـب لـي قـد تسلبتـه=
ومن الذي يطرحون الضرب عالمحلاه =
وان قدك لاقد ضربت الحيد وماصبته=
لاتهيـن سمعتـه رده لاقـدا مـولاه =
المشجري :=
الشاهـد الله انـي يـوم طالعتـه=
بالعين كل يوم تتعود علـى رؤيـاه =
في خمستعشر دقيقـه لاتصدرتـه=
باخرج الخصم ذيهو عامد المربـاه =
والحاصل انه سلب غالي و انا شفته=
مايستحق العتب و اللايمـه تلفـاه =
باصره =
هرجك سونه عسل خرفي تذوقته=
ياحاكم القول في وزنه وفي معناه =
ابومسامير لي في المدح زيدتـه=
ولقيت له صايته بالعين ماشفناه =
ذلآ على الوصف لي منك وماقلته=
من مدح خليت نفسي ياحمد تهواه =
لكن لي نهج في الدنيـا تعودتـه=
القصد لي ماقدرنا له قنع و انساه =
المشجري =
الميزر الضاهـر انـك مـا تأملتـه=
و اذا تأملـت مـن اقصـاه لا ادنـاه =
بتون حسره على ماضي نقي عشتـه=
روس الخطم ذي تنورها نجوم الجـاه=
ولا قـدر الله ياسـالـم وشاهـدتـه=
باتنبش الرجل لي ماشي بهـا سـلآه =
لي في الغشى ايش بيخرجه من صمته=
ماباتجيبـه بـلا مجهـود و معانـاه=
باصره =
ذكرتني يا حمـد ماضـي تجاوزتـه=
وصفه و قصته مثل اللغز والمحـزاه =
في سعف من عزهم عاجود عبّرتـه=
من قبل لانكون كل قصبه على معداه =
والليش يالوقت كم من ضـن خيبتـه=
مالقيت شي عدل بين الناس و مساواه =
حد منهم في رغيـد العيـش متعتـه=
وحـد حياتـه تعـدي كلهـا مأسـاه =

تسلم يالحنووووووووون
وشكرا على مرورك

===========================