باقي الحب الأول من يقول أنتهـى =تأكدي إن قلبـي ذاكـرك مانسيـك
انتـي أول وآخـر بنـتٍ احببتهـا =وانتي اللي أحبك حيل وأموت فيـك
كتبت كل القوافي فيـك واشعلتهـا =ودي الكون كله يعلـم إنـي أبيـك
لوانـا ماأحبـك .. كـان معلنتهـا =لك محبه صريحه وجيت عاني اليك
كل كلمه من الوجـدان لـك قلتهـا =صادقة من صميم القلب مكذب عليك
ماتنكـرت للعـشـره ولاخنتـهـا =من رحلتي وانا قاعد سنين احتريك
والعهـود التـي مابيننـا صنتهـا =يعلم الله ماخنتـك مـع ذي وذيـك
كيف أبا عيش عيشه مـا تخيلتهـا =في غيابك وأنا لك ياحياتي شريـك
وش حياتـي بدونـك لـو تأملتهـا =مالها طعم دامك ماتجينـي وأجيـك
نذرت ياشوق نفسي لـك وسلمتهـا =ياحياتي اموري كلهـا فـي يديـك
صدقينـي حقوقـك ماتجاهلتـهـا =دام كلي أنا لك وش تبيني عطيـك
لا تخافين مـن تحسـدك زعلتهـا =أخاصم الكل لعيونك لحتى ارضيك

المشاركة الأصلية كتبت بواسطة الواثق بالله (المشاركة 379569) كلام في العشقه صادق من القلب للقلب هكذا تكون المحبه والوفاء للحبيب اسال الله ان يبلغك مرامك ومقصدك شكرا لشاعرنا الفنان على هذه المقطوعه الشعريه الجميله وسعدت لان اكون اول من له شرف التعقيب لك تحياتي اخوك الواثق بالله

المشاركة الأصلية كتبت بواسطة ابوهاني1 (المشاركة 379574) والعهـود التـي مابيننـا صنتهـا يعلم الله ماخنتـك مـع ذي وذيـك نص عذب ورااااايق وراااااقي شاعرنا القدير ابو فيصل صح بووووحكــــــــــ وسلمت رووووحكـــــــــــ تقبل تحياتي ومروري