يا زارع الأشواك
في درب مغليك,,!!
ويا موجعٍ قليبي دخيلك ,,, كفايــا
ما تدري إني كل
ما جيت أناجيك
المح حروفـــك تستثيـــر الحكايا,,!!
وما تدري إن
القلب هده تغليك
وكل يوم له قصه وقصه معايـــــا,,!!
ما كنه الي كان
بالود يشريك,,!!
ولاكنه الي مسكنك بالحنايــــا ,,!!
وشلون تقفي به
وهو ميتٍ فيك,,؟؟
يحتل رسمك فيــه كل الزوايـــا,,,!!
وكل ما دنا ليله
بشوقه يناديك
حتى هجرني يوم خارت قوايــــا,,,!!
مسكين هذا القلب
حاله ,, دواليك
حسره تصيبه دايماً في النهايــا,,,!!
وكل ما فرح لحظة
وجاته تباريك
يصحى على مر القسى والردايا,,!!
ويكفف دموعه
ويسهر يحاكيك
ويمد لك جزل العطا والهدايـــــــــــا
ويحارب العالم
على شان يرضيك
حتى ولو كانت سيوفه دمايــــا,,,!!
هوا كذا قلبي
على الدوم يفديك
من جيت له جنب جميع البرايـــا,,!!
وأصبح يغنيلك
بشوقه ويهديك
أعذب حروفٍ خطهــا يا دوايـــا,,,!!
ويسقيك من دمه
ويرجع ويسقيك
من حسه العالي وصافي النوايا,,!!
ما قد بخل من يوم
جيته معاليك ,,!!
تخطب إيدينه جاوبك ,,, بالتحايـــا
ياكيف تقفي به
عسى الله يهديك
وهو الذي لجلك تحمـــــل بلايــــا,,!!
وتزرع له الأشواك
مطرح خطاويك
من جيت له تسدل فصول الروايا,,!!
وتكفنه يا آسري
بين أياديك
وتزف نعشه للقبـــــور الخلايــــا,,!!
مسكين هذا القلب
وهو ميتٍ فيك
يسهر على جمر المواجع معايــــا,,!!
ويقول لي خله
عسى الله يخليك,,
لا تجرحه بحروفك الي ,,, قسايـــــا
وأقفي وأنا فيني
شعورٍ يناديك
لا تزرع الأشواك بسك,,,, كفايــــــــــــا