الشعب له مطلب ومطلبهم رحل=العاد تتمادى وقد حان الرحيل
الشعب وجهلك رساله باتصل=عندك فهمها قال ان كانك اصيل
الشعب مصدر قوتك لجلك عمل=لكن عمره مارضي قايد عميل
الشعب هو قدكان يوصفك البطل=لما عرف نيتك بلوقت الطويل
الشعب وضحلك بما قلا ودل =هو ضدكم ماليوم قد جاب الدليل
الشعب شعبك مارضيلك بي ذل=وانته رضيت اذل نفسك ياذليل
الشعب هو في صفكم سوى خلل =ولعاد بيجمع صفوفه بوخليل
الشعب قد قالو معدلك شي امل =ارحل وسبها بلمروه والجميل
الشعب هم ثاروا لتغيير الدول =ولعاد بايرجع لك الزام الدويل
الشعب هذا اليوم قد شل الصمل=ولعاد باتحكمه لاتشل الصميل
الشعب وجهلك لك نصيه لاتزل=عن درب جده يارفيقي لاتميل
الشعب قالو بن علي اصبح مثل=والرؤساء فاشرق هم له بلمثيل
الشعب ذي بل القاهره حصل بدل=واللي بصنعاءبايدور له بديل
الشعب له مطلب ومطلبهم رحل=العاد تتمادى وقد حان الرحيل

الشعب سوها ويزحف كالجبل=وبعضهم ماعزة الا بالصميل
الشعب في الميدان بايضرب مثل=والشرح خلف الصف شو ماله مثيل
الشعب حمسها وهي قهوة جفل=والخيل في الميدان والناقه جفيل
والشعب في صنعا شفه ملقي زجل=وقال قهوتنا عليها الزنجبيل
والشعب شاكر لك على هذا العمل=عساك في مامن من ايدات العميل

المشاركة الأصلية كتبت بواسطة قيس (المشاركة 597666) الشعب وجهلك لـك نصيـه لاتـزل=عــن درب جــده يارفيـقـي لاتـمـيـل الشعب قالو بن علي اصبح مثـل=والرؤساء فاشـرق هـم لـه بلمثيـل الله درك ايه الشعار الفذ قصيده معبره عن واقع الحال والاوضاع الراهنه على الساحه اسجل اعجابي الشديد شـكــ وبارك الله فيك ـــرا لك ... لك مني أجمل تحية .