من الألف الى اليـا
الألـف أحـب الـزيـن واسـمع كـلامه=يـامـر عـلـي دايـم ونـا تـحت أمــره
الـبـا بــقـلـبــي لـه مـكان وعـلامـــه=يــعـلـن بـهـا نـبــضــه مع كل مــره
الـتـا تــراه الـبـدر لــيـلـة تــمـامـــه=الـكـل مـعـجب في جـماله وسـحـره
والـثـا ثـلاث أشـياء تـجـسد غرامه=حـسـنه وصـدقه والوفاء فـيه عبـره
الـجـيـم جـابتـه الـقـدر بالــسـلامــه=يـمـي ونـا تـعهـدت لـه صـون سـره
الـحـا حـلاتـه مـثـل طـيـر الـيـمامـه=شوفته تـشرح كل من ضاق صدره
الـخـا خـياله في خـيـالـي بـهـامـــه=دايــم يـذكـرنـي بـلـحـضـات حــــره
الـدال دامــت بـالــسـعـاده أيـامــــه=الله يحـفـظـه من الحسد والـمضـره
والـذال ذلـوعــاذلــيــنــه أمامــــــه=كل من نـوا تـخريـب يـوقع بـشــره
الــرا رمـانـي من زمان بــسهـامـه=كل رمية تـضـفـي على الـقـلب دره
والزا زمام الحـب صـدق الـتــزامه=ومن خالـفه يمشي بطرقات وعـره
الـسين سـمسـمني بكثـراهـتـمامـه=رغم انـشغاله ورغم حسنه وصغره
والشين شـيمته الوفاء والـشهامه=أصـيـل في حـبـه قـوي مـسـتــقــره
الصاد صاد الـقلب صـيد الحمامـه=واقـفـل عـلـيه الـباب من كل نـظــره
والضاد ضـميـنا بهـوانا إنـسجامه=حتى أرتـويـنا من رحيـقـه وخـمـره
الطا طـردنـا الـهـم ويــا الـنـدامــه=مغـلـق عـلـيـهـم في هـوانا مـمـــره
والظا ظـنانا الشوق واكثر زحامه=روح الـعـطـا مابـينـنـا مـسـتـــمــره
العيـن عـودنـا الهـوا لـسـتـقـامــه=نـبـنـي هـوانـا بـحـتــرافٍ وخــبــره
والغين غابت عن سمانا الغـمامه=وصـفـيّـت لـنا الأيام فـرح ومـســره
الفـا فــريــد بـعــزتــه والـكـرامـه=لا الود يـفخـر به ولا الحـسـن غـره
والـقاف قـامو لـه وعلــو مـقـامه=الكل يـحـرص في إعـتـبـاره وقـدره
الكاف كامل في وصوف الوسامه=سمعـته شاعت خارج إحدود قطـره
واللام لامـــو مـن يـحــبـه مـلامه=يـروون في حـبـه دسـايـس وثغــره
الميم مــابـخـلــو عـلـي بـتهــامـه=يـبـغـون تـركانـه ويـبـغــون هـجـره
والنون نـنسى من تمنى انـقسامه=خـلـه يـعـيـش بنار غـيـضـه وقهـره
الها هـويـنا كـل شـي في نظـامــه=رغـم الحـسـود ورغـم حـلـوه ومره
الـواو ودعـنـا الـحـزن والـظلامه=مـن غـيـر فـرصـه لـه تـعّـود تـجـره
والـيـا يـنـور دربـنـا بـبــتـسـامــه=عـسـاه دايـم بالـفــرح دون حـسـره
أنا أشهـد إنه شي جدير إحترامه=يـاريت أبـوهـانـي معه طـول عـمره
مع تحـيات / أبو هـانــي