قالو الحب من كلمه ومـن نظـرات=وقلت تاج المحبه سحـر نظراتـك
وشعورذابت وتسكن ذائبـه بالـذات=احساس ذاتي تحسه حس في ذاتـك
لولامحبتك مالهاجس بـدع لبيـات=وابلغ الشعـر بالاحسـاس ابياتـك
ها انظري كيف نتسامرمع النجمـات=عشقت ذا الكون من عشقي لنجماتك
من يزرع الورد يزرع اجمل البسمات=تشيل همي وحزني صدق بسماتـك
روحي بروحك في الروحه وفالجيات=والعين ترقـب اذا مارحـت جياتـك
ياشاغل الفكرياقلبي مـع النبضـات=يكفي تعابيـر نبضاتـي ونبضاتـك
تقول احبك احبك تهمـس الدقـات=ينبيـك قلبـك اذاحسيـت دقـاتـك
ياخل وصلك وحبك جنـة الجنـات=وخلني العمر كلـه عيـش جناتـك