طلبنا الله ودعيناه يتكرم بغفرانه=عظيم الشان من غيره بيده العفو والغفران
وصلي عا النبي ما ينطق الشاعر بقيفانه= وعد ما قد قراء القاري بيوت الشعر والقيفان
ويا حيا ويا سهلا ببن موكا ومعيانه =عدد ما يشرب الضامي كرع من قصبة المعيان
بيوت الشعر من عنده تجي زينه ومليانه =كتابه بالمعاني قال بو طارق عمر مليان
شكاء من ضيق حاله قال عنده النفس غضبانه=وكل عربي وحر من لي يشوفه ذي السنه غضبان
شكا من ظلم واضح ما قدر يوصفه بلسانه = ونا بنطق بها لابا صبح حتى بدون السان
ستعمرنا ثقيل الدم يامحمد بغشمانه = حرق لنبار لي تلعب لعب في حسبة الغشمان
ولا واحد رفع دفه يخافو قبص حنشانه =ومن كلها عقارب عا الكبد باتنقلب حنشان
وكل واحد مسا فزعان على بهمه وعا ضانه=جمل ياكل في الحشوان والماعز كلن في الضان
وفي من غاب ون القلب يامحمد واحزانه=ودمع العين سيالي ودجله كلها احزان
جمل باداس ما وطى لهم راسه وايمانه = قوي بالله والعمده هنا عا قوة الايمان
وبنت ابليس لي تلعب على الحبلين كسبانه= تشل كسب الجماعه غصب والسيد صبح كسبان
ولا ما استامن الانسان على نفسه وزقرانه= لعد يتعب في الترباه ويخبخب على الزقران
لعد تامن على الصيني ولا الروسي وثعلانه= وفي دارك ذيب رديتهم بيدك كما الثعلان
ترك كوري واوربي وايراني ويابانه = وقل يالله كن عوني بدون الهند واليابان
تعبنا من بنات ابليس والعينيين قهدانه=كما المارود لي قد له سنه فوق الوقاء قهدان
وام الست لمان الورك غرقت وورطانه= عساء ربك يفرجها على الحبلى وعا الورطان
لانه من رفع راسه صبح محلوق رمانه = وهرولك في السكه كفر يدرج بلا رمان
رعبهم رعب باصره سحقهم سحق بهتانه= وراحو وانتهو واستسلمو للظلم والبهتان
جوابي لي حصل يوم العرب والناس فزعانه =وعاد اشياء ولكني على نفسي انا فزعان
ونختم با الحبيب الهاشمي ذا القول واوزانه =عساء يشفع لنا واعمالنا في كفة الميزان