| اقتباس :
المشاركة الأصلية كتبت بواسطة المخشني
|
|
[blur] إلى القناص بصفة خاصة
وإلى الغازي وباخريبه ( ونقول لهم صفحات الزامل مرقمة ومؤرخة!!!!! )
وإلى عموم شعراء السقيفة والعفو مطلو ب إن نسينا أحدا وتسلسل ورود أسماء الشعار هو وحي الخاطر وليس للدلالة على الأهمية أو الأفضلية [/blur]
سلام يا الغازي ميه وألفين=والعفو منّك إن خطينا
وإنك خطيت إنته أنا ذا الحين=إمسامحك دنيا ودينا
لا حل للقاسم لقى ضدين=يضحك وهم متعاركينا
برنامجه محبوب في الهجرين=وفي شبام العاليينا
لا جاب له إثنين متضادين=سوى لهم مقلب دفينا
وبا خريبه راح له لا وين=للغردقه وألا لسيناء
حبه ولا إصخي به ولا هو شين=ويومه من أول فر فينا
والذيب بايرجع من الشجنين=لازم يعوّد للعرينا
وإن هو شرد للهند وألا الصين=با إرسل قفاه الساحبينا
قل له يعوّد بالتي واللين=وألا بصميل الصاملينا
في ظهر بوينق أو بخن إسفين=ما عذر لك ترجع قدينا
والعكعكي في ذمتي له دين=قوله يسر السامعينا
والهاشمي (واحد) كما ميتين=جده حمد صلعم نبينا
و قناصنا يا هو ذهب يا لجين=يضرس إذا نحنا لغينا
سلام له أميات وملايين=قل له: سَـمَـر ذلا وسرينا
وجحدر قواله ذي تقر العين=با إدعيه شيخ الشاعرينا
وباتيس داموا لي الخوه لثنين=في المخيره هم سابقينا
وسط السقيفه رحبوا بالزين=والعيف قالوا لا يجينا
وبن سميدع قايد الجيشين=الباديه ومنظمينا
وإن حد نسيته فإعذروا المسكين=الذاكره عندي طحينا
شيبه في إثنعشر معا خمسين=وثنتين تعداد السنينا
والعفو يا أخواني من الجنبين=قدره من الباري علينا
الحضرمي ملبوه حد بيعين=من يوم قمنا ضايعينا
إنبات ( بو حضرم ) ونصبح مين؟=( يمني جنوبي ) عا الجبينا
وإنبات ( شوعي ) نتبع إستالين=وإصبح دحيبوشي حزينا
يا رب أنام اليوم لا يا معين=وإصبح من أهل الـ ( شين جينا )
با إدخل على إبلير يوم أثنين=أما الأحد جمعه لدينا
با قول له يا بلير ( قُد مرنين )=إبغيت حق منك يجينا
با يقول لي هت لك محامي زين=وإبشر بحقك يا خوينا
وإن ما معك أتعاب لمحامين=با جيبهم لك جاهزينا
أما العرب ما هم كما الثانيين=يسقونك الرجغه وطينا
وإصبر وكن شاكر من الشاكرين=وألا إصلوك السافلينا
وإختامها جد الحسن وحسين=صلى عليه المسلمينا
[blur]الشين جين = هو إتحاد الدول الأوربية ( عسى اليمن تسبق تركيا في الحصول على عضويته ولا شي بعيد على ربك) [/blur]
محمد بن سعيد بن مخـاشـن
|
مرحيب يا بن عمر بك الفين=وميه وسبع مذبلينا
في قلب بو طالب لكم قدرين=انته وكل الحاضرينا
حيوه ذي جاب الكلام الزين=هرجه عسل بوسط صينا
وش عادني بازيد ما ذلحين=شفت القراص مختمينا
من شغل جردان صب قvفين=والجمر ع جنبه ضبينا