لا زلنا مع شاعرنا الراحل بن عكعوك
وهذه القصيده ارسلها الى الشاعر سالم بن احمد بن بلخير باتيس
يعزيه بعد مقتل ابن عمه عمر بن بلخير باتيس من احدى القبل المعاديه
للباتيس انذاك
قال بن عكعوك
واناء ابداء بمن سرح العليا ولشبوب=وحن الرعد والبرق في راس النشيه
عسى يفغر لي الذنب ذي في اللوح مكتوب=وتمحي زلت العبد يالله والخطيه
نهار اضوي في القبر فوقي طين مكثوب=عساء من زلت القبر ترجالي رجيه
وذولاء اخوتي مرعي وسعد الله ومحبوب=عيال ابليس يسعون في راس الخطيه
اذا قابلت واحد هرج لك هرج مقلوب=كما الشيطان يسقيك من طاسه خليه
وقال انته رفيقي وانا لك دقم منصوب=ولا استامنت به فك بك حبل المنيه
وعاشوني وقالوا تسرح هرج مقلوب=وانا قهقر كلامي بميزان البغيه
وانا قدني من القول متقنع وباتوب=وسبوني وبطني من السبه خليه
كما عيمان يوم اندروا في وصلة النوب=قبل دار المشايخ وقع حوض المنيه
طرح عالنشخ ماطر ذلح مثني ومصبوب=وجلوا عارهم بالغلوق المغربيه
قدر خمسين ليله وجلوا كل معتوب=وبان الراشدي والكواكب مستويه
وقم يالمعتني شد لي في ظهر مندوب=قوي ذرعان يرعى فلات المخرفيه
في القبلي ويرعى شعب منخوب=ويرعى في البمه حيث لغصون الطريه
ولا بلحلي يعمل ولا في السوق مجلوب=عليه اطرح زيادي عصافيره قويه
سرح من حد محمي بكم من جيد مهيوب=بخرج اول وصنعة عيال الرافضيه
غداويه تقول الا الشبك في الحيد مكثوب=وشفه رؤس عيزر مرور لفيا عشيه
عبر في رؤس ذمرون لايقطعه لشبوب=وهو مرعى الخنب والوعول المعشريه
قصد سده ولا تلتهي لاقدك مشغوب=وخذ فيجان في المصنه من شادليه
ولاتنشد على سعف مالك خصم مطلوب=جزع في صاط باتيس والدنيا دنيه
ندر عقبه طويله وفيها ظرك منصوب=بنوه اهل الفظيله معاصيره قويه
قصد جور ال بلخير وتلحق فيه جربوب=كما الفردان من شافهم يذكر نبيه
وقل يابو مبارك نظرت الوقت مقلوب=حضارم خربوا في فروض الشافعيه
قفاء جروا النمر ركبوا للدلو كالوب=وخلوها تشقط مراحلها مديه
رفيقك ولد عمك يبا له هرج مقلوب=يباء الا حكم راسه ولو ماهي قديه
وهو مغبون من لا معه في الدار تركوب=يتمي قيم مابين لحساء والفضيه
ومن بيده عساكر ندر بالحلي معصوب=ولودا خرم ماله ندر بالدوعنيه
وخلاها تراقل من الميفع لمنخوب=وذي خرمان جاء لابس حذيه
وصلوا عالنبي ماذكر يوسف ويعقوب=في الفرقان والقارعه خير البريه
مع تحيات /طالب باتيس النعماني ابوراضي
شكرا اخي ابو محمد على مرورك وان شالله نكون عند حسن ضنكم
وارجوا العفؤ اذا شي غلط في الطباعه او نقص في قصيدة شاعرنا الراحل