[باكعيكعوه]

[QUOTE=المخشني]

قول كعكوك عا الميزان ما هو مخبص=لو سمعته تحبه لوك في وسْط قبرك
من ذهب تبر ماهو صُفْر فلْصو مفلّص=يركب ( القافيه ) أفجح ولا هو مورّك

يامحمد شعار الرأس كله منبص =وامترط ذا ك ذي تخبره اول مفرك
لابس الكوفيه بعد العمامه وبرنص =والشياذر تركناها لسالم ومدرك

اخي محمد قد راحت الربوط الزينه وبعد خمسه او سته زوامل لابد من التكرار اويكون الكلام ملفلف
تروح تدور للحرف وتضيع جوهر الموضوع والمعنى
وتلاحظ ردي بعيده كلماته عن قصيدتك لأن القافيه ملانه ومستهلكه عموما الشاعر الحاذق يفهم
الكلام وانا بصراحه تراني ثقيل على التكيب ولم اكون شاعر بالأمانه تقدر تقول ناقد او ذويق
ولكن الزامل نعرف شلاته ونعرف الشاحي والريض والطويل والقصير
عموما اذا عندك شي فصل زين يتركب عليه كلام زين هته اما الحروف المشنكعه هذه ربما انني
لا افيدك فيها كثيرا ولااشفي غليلك