قولوا لبن هاشم طلـع ذلحيـن = هت لي خبر من حجر بن دغـار
هل عادشي حبحب على السكين = والاصحابك تركوا فـي الـدار
ذلحين بانقـرأ في الـ . مجموع = كبّـوا كتــابات الصـحيــفه
من زل وإلاّ خالـف المشــروع = كلــن يقـايـس في هـذيـفـه
بسـمع قوافيـكم من المبــدوع = وأنتــم وأنــا رأس العــريفه
الشعــر ياتي كُره وإلاّ طــوع = أو بانـكُـز فـــيها بــليـفـه
وإن شئ غلـط مابيننا مرجـوع = وإتـجنّــبوا زلاّت عــيـفــه
ياصاح غير العلم لا..لا يشغلـك = بعض العرب ياخوك غِر ما أجهله
يمر وقته في المسامر ع الدكـك = مايحكِم إلا القربعـه والهضْولـه
المعدن الصافـي يبيّنـه المحـك = وامّا الغشر يبقى بوسط المنخلـه