[مبروك بن ماضي]

[web]http://www.alriyadh.com/2008/05/27/article345732.html[/web]

رغم ونة خفوقي رعشته وارتجافه = ماشعرتي بنبض القلب لي تـسكنينه
إنّه الحب ، لكن للأسف ياحسافه =تستخفين باحساسي وتتجاهلينه
أرفقي بالخفوق اللي ملكتي شغافه =دامه أصبح متيّم في يدينك رهينه
وإن تقولين عرف لي الهوى وش وصافه = طالعي في عيوني كان ماتعرفينه
وارجع آضيف جمله في غرامك إضافه = إن جهلتي المحبه فانتي الحبّ بعينه
بين قلبي وقلبك مابغينا كلافه = ريحي طرفك النعسان لاتسهرينه
واتركيني أسافر في عيونك مـسـافـه=( رحلة الحب ) ماتتعب شراع الـسـفـيـنـه
صدقيني سواد العين والرمش أخافه =كم فؤادٍ بنظرات الغلا تـطعنينه
توي أدري بأن العمر لي مرْ تـافه = بعد ماضاعت بْدونك ومرت سنينه
يحس به من بلي في العشق مثلي وشافه =كيف يسلى وطيفك دوم قدام عـيـنـه
ليه ماتشفقي بي وتأخذك بي رأفه = سلـميني يمينك وإخذي اللي iiتبينه
والله إني أحبك حب ماهو خرافه = صعب يخطر على بالك وتتصورينه
لانك الذوق كله والحلا واللطافه = إضحكي ما أبي شوفك بلحظه حزينه