[شاعرة الجنوب]

مسافات النوى تحكي بقايا ذكريات إحساس=واشواق الوله تغلي ويشعل فيضها ناري

كتبت ابيات زارتني على اوراق هالكراس=مليت اوراقي البيضا بشوقي بحت بأسراري

مضى ليلي سواد افكار عذّب مهجتي الهوجاس=ودمعي فاض شلّاله على خدّي بأسماري

يسطرني مداد الشوق داري شمعة الإغلاس=لخوفي من سواد الليل يوحش شؤم افكاري

حبيب(ن) فاق بوصوفه اصيل(ن) سيد كل الناس=وودي زاد عن حده بدمي لاعجه ساري

وسريانه يهيّض كل لواهيب الشقا وسواس=يخلي ذا الامل يامر يعنّيني على الطاري

على بابه انا واقف مشيّد له بقلبي ساس=وطول الليل سولف له بأني دوم له شاري

ونار البُعد خلتني اعوف الناس والجلاس=وحيد(ن) بين جدراني قفلت ابواب زوّاري

وأأمل لو صديق(ن) عان ونّس خاطري الحساس=يونّسنا بذكرك دوم لو حتى بالأشعاري

فلا صاحب يخفف من متاعب قلب ما تنقاس=ولا جار(ن) يدق الباب يسألني عن اخباري

وسلامتكم ...


بقلم .. شاعرة الجنوب .. الخنساء