بسم ربي بدينادوب بسمه نسمي =ياعسى بلكرم والجود يرحم عبيده
والف صلو على احمد طب جرحي وسقمي=من يصلي على طه لقي مايريده
ياسلام الف من عندي ينومس ورسمي =عاعيون المكلا شاعرتنا المجيده
سجله وارسله مختوم مني بختمي = عبر لسلاك لحدود البلاد البعيده
المكلا ونا افديهابروحي ودمي =حاضرة ربعنا درة يمنا السعيده
ياعيون المكلا لديّ الطرف يمي =بالنظر وابحثي لي في بيوت القصيده
لوتلاقين بيتٍ(ن) اشتكي فيه همي = لاي بشر علميني بالعلوم المفيده
اه ياشكوتي ماليوم ياكثر غمي =كثرت احزان قلبي والكبد في وقيده
من فراق الحبيبه لي برا كل لحمي=يوم رحلت غدت لحوال عندي نكيده
انكسر خاطري من فرقها صار جسمي =ناحلٍ مثل تاجر راح منه رصيده
لجل ماتوهك داخل قليلي وجميّ=واعرفك صاحبة فكره رشيده سديده
ون عرفتي صديقي اوعدوي وخصمي=لاتبيحين سدي للقلوب البليده
حفظي السر مابين المحاني وكتمي=الحذر ينشرونه في الصحف والجريده
تسألين الحبيبه من ونا قول امي =ياعسى الله يصبرني لفقد الفقيده
ياعسى قبرها يسقيه هتان وسمي =ترتوي منّه ازهار النفل والكديده
| اهدااااء خاص للشاعره عيون المكلا لابداء الراي والرد |