رد على قصيدة عمر الذيب
يامرحبا ببيات من شاعر بدع=بقوال زينه ماعليها شي غبار
جاب الحقائق ماتردد وامتنع=جاب الذهب لحمر من اعماق البحار
سلام لك يانور في الظلامات شع=ياذيب يابن ذيب عاروس الصبار
تعداد مابلبل من الباكر سجع=بالصوت نادانا ولقاءلي اعتبار
سالتنا عن بنت ربيت عالدلع=من شافها بيقول بنت المستشار
البنت مظلومه بتكرار الجرع =جرعه قفاء جرعه كما مولى السكار
تولعوا بالبنت يالصاحب ولع=كل ماظهر موذي مسك جلباب ضار
وهي طاهره ومطهره مثل الودع=فيها الدلول الحضرميه والوقار
باعوا شرفها للذي بيقول مع=و تركوا مشورتها وصفقت لختيار
واليوم شف راس البنيه انتخع=ماتنفع الدويه وجلسات الحوار
واصحابها رذله يساورهم طمع=دهروبها في سوق دلال العقار
السمسري يبلع وقاضيهم بلع=وعيال بوزنه كما ظلف الحمار
ماهمهم غير المساري والشقع=والغش والتزوير ملقينه شعار
شربوا عسل دوعن وماء الوادي الكرع=وعاملوا البنت الشريفه بحتقار
حد عامد الرمله وحد في المنتجع=واخناقهم بين الجنابي والشفار
ان ما عجبه الحال قوس وانطبع=ودخل بحال الناس عالموال غار
وان حد تكلم قال بلقيكم قطع =يالانفصاليه كفاكم لفتخار
جينا نرقع ثوبكم لي ماارتقع=ونعيد هيبتكم لكم بعد الدمار
لكنهم كذبوا ونهبوها سلع=وتعذروا بالريح وهطول المطار
هذا جواب القول من عندي صدع=وان شي قصر مني تقبل لعتذار