اسد علي ًوعاغيري نعامه = ذا ايش من صقر تصفقه الحمامه
لاكلامي فاد ولافاد المناجاه = ياطيبين القلب شي عندكم لله
وفي العتاب الظاهري لاملامه = خير من حقد ماله اي علامه
باطني صاحبه في النفس خباه = ياطيبين القلب شي عندكم لله
ليت البعير الهيج ينظر سنامه = ويقلل التركيز عاذي امامه
جابه لنا الجمال ولعاد وداه = ياطيبين القلب شي عندكم لله
كل من تكلم لو يثمن كلامه = مابايحس باللوم ولا بالندامه
بالخلق بايوصل وبلامعاناه = ياطيبين القلب شي عندكم لله
بجاه من قد ظللته الغمامه = وحن اليه الجذع وبدء اهتمامه
يعود من طال في البعد منفاه = ياطيبين القلب شي عنكم لله
ياطير ياطاير بلغ سلامه = لمن لهم قيمه وشامه وهامه
قله بقرب اللقى والمواساه = ياطيبين القلب شي عندكم لله .