]"
مساحه لقلوبكم
طموحات الوله ماليوم لبّت طيف اينادي
على ورد الغلا بحنا بما في القلب والوجدان
وأوراق الربيع اللي رماها سحرك الهادي
رماها وانثنت نشوى وتتراقص على الاغصان
اذا جتني هجوس الشعر رفرف طيري الشادي
يغرّد لي تلاحينه ويعزف زينة الالحان
حبيب (ن) فاق بوصوفه اشوفه شخص مو عادي
ويحوي كل تفاصيل الحلا لو حازها انسان
جميل (ن) في فنون الود يغازل بالخفا سهادي
يخلي العين سهرانه ويفرض سحره الفتّان
على قلبي واشجاني يخلي القلب وقادي
سبايب بعده اللي صار يضنيني وانا ولهان
تعال وبوح بشعورك وهدّي قلبي الصادي
مسى فكري رديف الهم وجفني بالوله سهران
تعال اجلس هنا جنبي اباك اليوم اسنادي
تعوضني جفاف العمر لي عدّا وانا حيران
بقلم الخنساء ---- شاعرة الجنوب