[الماسه*]

الحبيبه شاعرة الجنوب حفظك الله

هذه مشاركه متواضعه مني ارجو ان ترقى الى مستوى ذائقتك الراقيه

طاير الاشواق علّي بي وعلّي=خذني لو ساعه الى سيد الحساني
هدّي الخافق ووصلني لخلّي=في غيابه الشوق عذبني واعاني
اردف الونات في صبحي واظَلّي=في عناء والليل ماقد نوم جاني
غاب عني من زمن قصده التغلّي=ليت يدري.. انه ابقلبي رماني
ليه تقسى يابعد عمري وكلّي=ياشقيق الروح ياعذب اللساني
يالذي حبيت ياشمسي وظِلّي=ياربيع العمر مزروع ا بكياني
يارفيق الدرب يانشوة تجلّي=تعتريني همس واطلق له العناني
أستعير الحرف لاجلك وآأملّي= صفحة الأشعار من صدق البياني
داوي اصوابي بلمساتك وخلّي=قلبي المتعوب ينشد لك اغاني
إحتويني بين اضلوعك وقل لي=كيف اعيش الحب في اسمى المعاني
لو سألت الشمس تشكي لك على اللي= طوّل الغيبات واحرمني الأماني
وان لظى النيران شبّت ..من ((تصلّي))=تحرق الأخضر ويابس في ثواني
عود لي حتى اهلّي بك واهلّي=وارسم البسمه واعيّد فيك ثاني

تصلّي=تلتهب((من كلمة تصلى))