أمنت بالوحده ومشتقاــــتها=وكرهت كلمه اسمها الانفصال
في شهر(مايو) أزحفت خيراتها = ورسمة الفرحه على شفة الرجال
في جنوبها فرحت كما وشمالها =ماكان متوقّع ولاحتى خيـــــال
لي حقق الوحده قرب اميالها =ومحى بنا الماضي بتوقيع الوصال
يهناك بوأحمد يمن وامالها =حققتها وحدك وقد كانت محال
يارب احفضها ورفع شانها =هي رمز قوتنا وهي نور الهلال
واليوم ذي الخيصه تزف بعيالها =لي خربو الدنيا مسيرة اوقتال
والكل متفاجئى وقلنا مالها =لي قد صنعت الشغب وين الاعتدال
وين حضرموت السلم تحكي اجالها =ماعمرها قطعت مرابيط الحبال
ماهكذا ياقوم هم ابطالها =ولا كذا كانو ولا صارو رجال
من يرضى بالفرقه يرى اهوالها =يكفي تشتتنا وعانينا احتلال
ما ناقصه صنعاء بكل ماجالها=خرجت من (الحوثي ) ودخلت في جدال
ومسيرة الوحده تشد برحالها =مادام ارواح التعاون في اختلال
(يمن السعاده ) مادرينا مالها =والنور كاتم حتى في وقت اكتمال
الامن والايمان قل عقبالها =لوكان شرع الله ينفّذ بشتمال
قم ياعلي صالح واصلح حالها =ساوي بها شطر الجنوبي بشمال
وجمع قضاءة العدل من عقالها =وأسمع لحسن الشور هو والاعتدال
هذا النصيحه لك انا برضى بها =نبغى عمل واضح ما نبغى مقال
كلمات حسين الخلاقي
( الخيصه ) اسم المكلا القديم