[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

الذيب ما يرعى الغنم أبديت بالرحمن علمنا المعاني والكلم=وأرسل نبي النور جمّاع الفضائل والكلام من بعد يا العاني قصد دار الشهامه والكرم=من نسل ثابت بن علي لجواد فيها والكرام يلقاك بو خالد نبيل الخلق طبعه محترم=ما شفت أنا مخلوق ما با يذكر إسمه بإحترام ونعم بو فيصل في المجلس كلامه منسجم=وإحنا من الصّغره تجمّعنا مودّه وإنسجام قولوا لبو فيصل فسح في الراك وأعواد السّلم=يوم المحلّه في شنَع ما هي كما دار السلام لي مركز المضباه با يضبي لكم قطعة لخم=ما شي مْتَن وأوراك ذلاّ با يجيكم ريح خام ما با يجيب ألاّ المصايب لي نوى هدم الحرم=يا ويلكم زفّيتوا الجلحى على ولْد الحرام يصبح من الجذمان لي قد قال ما يعدي الجذم=والناس تتجنّبْه لي مبعود في دار الجذام غلطان يا إللي حاسب إن الذيب با يرعى الغنم=ذلاّ يعاين ساعة الغفله ويغنمها إغتنام كله من الدلاّل لي يضحك بكم سلمان حم=لا شاف عوله ميّحت يكذب يقول الصّقر حام غدّر عليك الليل والنّشره ورعيانك هَيَم=شوفك ضُعُف لا شفت ذيل السّعْودٍه تحسبه هام ما يستوون الجيد والأوغاد لو أولاد عم=وأفعالهم با تنكشف هذي السنه أو بعد عام قومي على الميثاق يرعونه ويوفون الذمم=في الحِمْر قطعوا ما يضوّون الغشاليق الذّمام ما نحطب العُشْره ولا لِثْله ولا العلقى نرم=نطعم من الخوله ولا با نقبل الطّملِه رمام يا نايم إصحى حان وقت الجد ما ذا الحين قم=لمّا متى نايم ومتغطّي وخلق الله قيام عبد العزيز مبخوت بن شريشر النهدي جده في 30/05/2009 م.

حيا وسهلا بالقوافي والكلام المحترم=مثل الذهب والماس وزنه قال شاعر بالقرام
من بن شريشر لي يحط الكي من فوق العلم=وينجح الكيات والمظلوم عنده ما يضام
ياكم سقى اخصومه في التاريخ من علقم وسم=وكم وقف ضد الظَلَم والظُلْم واهل الانتقام
رجّال بن رجّال من اهل المبادي والقيم=يستاهل النيشان والنجمه وستعشر وسام
لكنّ في ذا الامر نا وياه مابا ننسجم=لان الذي هو راشن المضباه بن عبد السلام
يضبي لخم والا سمك والا دجاجه بلعجم=مقبول منه كل شي مادام ضد العم سام
افضل من اصحاب المضابي الطافيه افضل بجم=على الاقل مضباته اتشرر على ولاد الحرام
الناصره تشهد وحيفاء والمواقع والدشم=لي كان يستولي عليها صاحبي بالاقتحام
وبعاء وما بعداء عليها قد حلف لي بالقسم=واوفى وكفى ساعة الشده وخلاها ركام
والقول لي بالفعل جاء مقرون صم الراس صم=يوم التقى الجمعان في الميدان يوم الالتحام
صلنا وجلنا وحدنا ضد التخاذل والامم=ومجلس الامن العميل اللي معاهم عالدوام
صلنا ورايس هي وبنكيمو يكيلون التهم=واحنا نكيل الرعد والزلزال وندك الصنام
ابو العمامه اليوم خذ حقه بيده وانتقم=وحرر الاسرى لنا بالفعل ماهو بالكلام
يوخذ ويعطي في ميادين التحدي كم وكم=من راس وطاها وهي كانت لنا تروم المرام
هذي الحقيقه ساعة الواقع وابراء الذمم=اما المحازي الفاضيه ما با تجيب النصر تام
الذيب هو الراعي وهو مولا الحميه والشيم=واما البقيه مالهم قيمه ولا معهم حسام
ناموا وهي تسرح وتمرح ريت واحد التزم=وقال كلمة حق يالنهدي واعلن للتزام
واكبر شنب فيهم تدوسه بنت رايس بالقدم=وكأنها قدوه لنا وبوش في عهده امام
بالله ايش جابوا وايش سووا مقاطيب الهمم=باعوا بلا قيمه وبايبيعون عام بعد عام
هذه طبيعتهم ترى من يوم ماكانوا حجم=وابن الحجم ماله ومال الخيل مزرور اللجام
من حاصر الجلحى ومن يفتي على ذيب الرهم=ماحد بري بانت وجيه القوم وانزاح اللثام
بانت حقائقهم يقول الذيب يا فاهم فهم=اتنازلوا عن قبة الصخره واطفال الخيام
لي قفلوا المعبر نهار الغيث صب من كل يم=ما با استامنهم ولا باسير معهم بانسجام
باعوا المقاوم لي على الجبهه يقاوم من هجم=وكمّلوا كل مانقص واعطوه في ظهره كدام
اش من بشر ذولا لاسرائيل وامريكا خدم=ما يوم واحد قد لقوا عا حدودهم شوكي وزام
وان قد لقوا بالعكس يلقونه يصدو من قدم=قصده ومقصوده يناصر خوه وابناء العمام
ياخس من قشره خبيثه لي يخلوا بالقسم=وثلاث لا الامس في الخرطوم اكبر اتهام
ودليل برهاني على بيعة معوسي والقثم=للقدس والضفه وبنت اجبيل والجولان تام
الصدق باقوله صبح مقتول والا متهم=مسجون في احدى زنازين العماله والسلام
القبر له قامه ومد من قال لك اربع قيم=كذاب ومنافق وبا يفطر وخلق الله صيام