[سالم علي الجرو]

اقتباس :

قال شاعر حكيم الشعر في الرأس واردْ = حلم وافْكار والهاجس يقود الحليلةْ لا الفرزدق وبو ريّــا ولا حسين زايـدْ = جاوزا واسْتذلّوا مـن مقامي فشيلةْ جـاء من الحالكي مرسوم صـادر وواردْ = مـن قبيلةْ لها ينسب ونـا من قبيلةْ

يـارب سالك بلَمْ نشــرحْ وســـورة عــمْ = وســورة الواقعــة واقــرأ وسورة نون وبكــاف هـاذي ذكـر فيهــا خبــر مـريمْ = وبحــق ســورة سبــأ والتّين والزّيتـون حسين زايد يقـــول ان هــاجسي حكّــــمْ = يملــي مثاقيـــل شبـه الجوهـر المكنون ذا حكـم ثاني وملقـــي ثالث بــه يِهْتَــــمْ = مع حليله تخـــاوض جات من حيجــون تخـــوض بحــــر القلازم كلّهـــا مَزْيــــمْ = من بحـر فارس من جيرون لا سيحون تقرأ جميـــع الطّــلاسم طــاهثي طهْشَــمْ = والبَرْهتــــهْ وريّـــــاني قســـم شَهْلــون حتى إن قلبــي فــزعْ وارْتـــع وتْهَمْهَــمْ = وامْسـى يرادف حنينــه مثلما المجنــون

فقلت: يــا قلب إن ذا زمـــان أدْلَمــــمْ = بدّك من الألف تلقى به رجـــل مَرْكُــون العيب والمكْــر فيهم والحِيَــلْ والــذّمْ = والكذب والـــزّور والبهتـان يِصْطـاعون

فمـــن لقيتـــه فهــو يضحـــك وويتبسّـمْ = وتقـــول ذا با امنّــه في عشقته ممحــون وهـو شبيه الحنشْ ملقـي بنـابه سَـــمْ ==واللمس لمس الحرير الطّاهش المصيون حِــذْركْ إذا سَبّــحْ القيطـــون با يَهْتــمْ = بفعل والاّ قضيّـــة يفعـــــــل القيطـــــــون

والصّدق في ذا الزمـان اليـوم با يعْدَمْ = مــن كــان صـادق يقولون إن ذا مجنون وصــاحب الْكــذب عندهــم دائم يكــرمْ = ويفرحـــوا بـه إذا جــاهــم ويستـــــرّون ولا تشوف المصاحف والدّروس الجمْ = بعض العرب مــا معـه تحقيق ما يقـرون

كيف الخبــر كيـف بــابه كيف با يِلْــزَمْ = بعد المائــة شيء مقــرّرْ عندكم مـوزون ومـا تقول أنت يا راعي جعيد اغْشَــمْ = تغــذاه بالمسك والعطـر الشّهي مـدهــون مَمْشوع مثل الحَنَشْ واصْله سقي بالسّمْ = وارْصاص من غير قَـرْحَة قتل المغْبون أنت التّحيف الحليف العاشــق المُغْــرَمْ = بارض التّطاريف مـــا مثلك فـي الدّيجون مــن علّمـك فـي جبينـك تكتب الطّلْسَــمْ = خلّيت حميع العرب في عشقتك يصطون سالك بمــن ينظر النّملـــةْ بليـــل اظْلـمْ = مــا حن راعـد سمع رعدهْ على القَيْطون والفي صلاتــي على مــن ذكــر يَغْنــمْ = محمد المصطفى .....