ابديت بك ياعالم الاسرار=عالكون واسراره عديده
تغفر لنا يافرد ياغفار=وفي ضلال اهل العقيده
يقول بورايدمساء محتار=محتار في اشياءعديده
من ذي شبع بايكشفون البار=من دون شي نظره بعيده
ذي بايفرق في البلد بالجار=من بعد ليام المجيده
ولايبى يخشي من الجبار=ولا من النار الشديده
عاده وقدر المكر ماقد فار=ولا اختفي جهز مكيده
لاتستمع للغادر المكار=لابد مايشرب كريده
والفسل ما ببكيه لاقد سار=ابليس هو ربه وسيده
كل من خرج خلسه بلا مقدار =اليوم يعرش في قديده
ماشي معه حجه سواء الهوار = واللا علنها في الجريده
لابد شف هذا الزمن دوار =وعاد فكره بايعيده
بايعرف انه قد بعد عالدار = ولامعه حد بايفيده
واليوم باحافظ على المقدار =في ظل لفكار البليده
ياهاجسي خلك مع لخيار =في وصفهم سر بالقصيده
اهل المعارف والذكاء والشار=وعقولهم دايم رشيده
ذي يحسبون الخو هو والجار=وخصالهم شفها حميده
اهل المعزه حاميين الدار= وعزومهم تبقى شديده
اعقولهم وحده وفي لفكار =وان قد خطو خطوه سديده
والختم صلوا عالنبي المختار=المصطفى خير والوجيده