[عدنان ابوبكر بن عفيف]

اقتباس : المشاركة الأصلية كتبت بواسطة الغوربي [ مشاهدة المشاركة ]

من ينكرالمنكر وعند الحــــــق يرغم من نكر من منكم يبصر لها ياناس مخـــــرج بالبصر الوقت غيرذوق حاليها وقر واصبح بطعمه قار يكفي كفانا ماحصل فينا وكل ما صار كانت لها مظهر ولكــن عيبها المخفــي ظهر ولعادشي منظر بها اوزين يعجـــب مـن نظر واللي بباطنها مخبا ما يسر لابانت الاسرار يكفي كفانا ماحصل فينا وكل ما صار همي بها يكثر وضيقي من سبب همـي كثر بس عادني بصبر وانت عـــاد ياقلبي صبر وان شي حصل مكتوب اوجانا قدر نتقبل الاقدار يكفي كفانا ماحصل فينا وكل ما صار والله مايعـــذر احـــــد منها ولا حــــــد يعتذر وانت وانا اخبر بهــــا والغـــير مـاعنده خبر تفهم مقاصيدي ووجهات النظر ياملفت الانظار يكفي كفانا ماحصل فينا وكل ما صار الحال متيسر ولي في الحـــــــال مخفي مايسر وعبيد ماقصر ولو ماطـــــــــال شرعه ماقصر مكن حجر ساسه وشيد بالمدر في وسط ارضه دار يكفي كفانا ماحصل فينا وكل ما صار مقصود ست طعشر يشابه مقصد السادس عشر نبغـــــــــاه يتصفر لنا ونعــــود نحـسب من صفر جملة فوائدها وحالات الضرر في كل فاسد ضار يكفي كفانا ماحصل فينا وكل ما صار الكل متـــأثر ولا يخفـــاك فـــــــــي قلبه أثر لكن اذا اشر لهــــا ابليس باتمســــــي بشر ولي مساهن غيث منها او مطر يتحمل الامطار يكفي كفانا ماحصل فينا وكل ما صار

	يالغوربي شليت هم القلب كله والكدر بأبياتك الزينة وكلماتك شبيهات الدرر نسيتني جور إغترابي والسفر لعبت بنا الأسفار ((يكفي كفانا ماحصل فينا وكل ما صار)) والقصد ياصاحبي باخذ لي من الواقع عبر بصبر وبتصبر على طبع الطبيعة والبشر سلوتي في ماضي على غفله عبر يابخت من هو بار ((يكفي كفانا ماحصل فينا وكل ما صار)) يالعوبثاني شوق في داخل عروقي ما استقر كل ما ذكرت أحباب في الوادي وفي أم الهجر حنيت جم مثلك لأيام الصغر محلا زمن لصغار ((يكفي كفانا ماحصل فينا وكل ما صار))

عزيزي الغوربي الجميل


أجدك في نصك السهل الممتنع (( المحضاري )) هذا تداعب مشاعرنا معشر القراء
تنقلنا من حضيض التكرار ومتاهات الشعار إلى واحات المحضار وهيبة الإكبار
نصك أستاذي غنائي من الطراز الرفيع يشمخ بحصنه المنيع وبالإتيان بمثله قل من يستطيع
أتمنى عليك أن لاتبخل علينا بهكذا إبداع حتى نرتقي ونبلغ أعلى مراتب الإرتوا والإشباع
ذوائقنا ياعزيزي كثيرآ ماتنضب ،،، إلا أنها عندما تنهل من نبعك الصافي تنتعش وتطرب
سمحت لنفسي أن أحاكيك ،،، وحاشاي أن أجاريك ،،،
ولكن .............................

تقبل تحيات الود والمحبة والإعجاب
بن عفيف عدنان
جده