وش فائدة تغلط وأنا أعذر=واصلك دائم وانت لي تهجر
قع عاطفي حساس = وأترك كلام الناس
وش فائدة تقسى وأنا راضيك =اعطف ورق شفنا مولع فيك
ارحم شوي يا فاتني وأنظـر =واحسب حسابك للهوى وأذكـر
يا تاج فوق الرأس =خل النكد واليأس
وافهم شعوري دامنا هاويـك =اعطف ورق شفنا مولع فيك
أيامنا وسنيننا وشهـر =با تنقضي والعمر با يعبـر
وانته ولنته حاس =مالك سهب وقياس
تروي ضما غيري وأنا أرويك =اعطف ورق شفنا مولع فيك
من حب حد في حلها يحضر =ولا يخلي كلمته تقصر
في حضرة الجلاس =يعطيه در وألماس
ويقول له لو تبتعد با جيك =اعطف ورق شفنا مولع فيك