[سبع الليل]

قصيدة سبع الليل
( وقت وتاريخ الورود: الساعة 03:35 صباح يوم 03/07/2009 م )

ابديت بك يالله تفرج كل هم = ياغافر الزلات في اليوم الصعيب
ياخالق الانسان من لحمٍ ودم=وخالق الافلاك والكون الرحيب
الفي صلاة الله على سيد الامم=المصطفي الهادي المعلم والطبيب
والأل والاصحاب عد مجرى النسم=وعداد ما مبعد وعد ماهو قريب
سلام من شاعر يزم القول زم=مرسول في بنكس مختم للحبيب
من عند بوجمعان لا قد قال تم=باتنقضي الحاجات عقبه والنصيب
وسلام ثاني للرجاجيل الحشم=مخصوص ومزٌهل بريحانه وطيب
وسلام ثالث للمقدم والحكم=ولهل الكرم والجود من زايد يصيب
ذا فصل بانوخذ من الدنيا حكم=مهما تجرعنا مرارات النحيب
ما من قفاء الدنيا سوى غير الندم=لا تحسبون العيش فيها مستطيب
العيش في الدنيا كما حالي وسم=ساعه تفرحنا وفي ساعه تخيب
ان تمت الجوده كتبها ياقلم =وان كانها زله نباء عفو الرقيب
واجب على المخلوق تبرير الذمم=والعفو والسمحان بالقول اللبيب
الجود والمعروف عالناس انقسم=والرزق بين الناس قسمه الحسيب
ايماننا بالله ورسوله اهم=اولى من الدنيا ومافيها عجيب
ماقول ماحد مننا عمره ظلم= ولا انظلم في مايطالبه الطليب
لكنها التوبه ويعقبها الندم=والعفو والغفران من ربٍ مجيب
وما الذي هو بايدحق بالقدم = عالناس ماهمه سوى ينهب نهيب
باطل ومنكر با ينغص عاليتم=وبايوكل اموال القرايب والغريب
مابايصل لما العلالي والقمم=لابد يجي له يوم يدفنه الكثيب
وحسابه عند الله وعقابه اطم=الله ينجينا من اليوم الصعيب