[احمد المنتشري]

بسم الله الرحمن الرحيم

وكل عام وانتم بخير

الشرود
يأتيك ليعبث بك
ليسلب منك قوتك
فتسافر معه عنوه
وفي لحظة غفوة
الى حيث يريد
دون حراك
يبعد النظر
في خيال
لا نهاية له
فتتسع بك المساحه
وتقرب الأماني
وتعيش لحظة عناق
مع الأمل
وما تلبث
الا
وقد عاد اليك طرفك
لتصحو من غفوتك
وتتمنى انها طالت
وساعتها
تصيح
آآآآآآآآآآآهـ
يا غفوة زماني
ليش بالله ما تطولي
ليش بس انتي ثواني
ليتني اقهر خجولي
واكتب الغفوة حياة
مثلما جمر الغضاه
فيه ذبح وفيه آآآآهـ
وآآآآهـــ ياحظ الشفاة
في الخجل يحتار لمك
حين تحرسك وتضمك
وحين تشبه
في جمال الكون دمك
وحين تعطش
تنتحر لأجلك حروفي
ثم تموت
معك اماني
غصب
وتأن السواني
بس ابي منك
ثواني
معك في لحظة عناق
ارسم الذكرى معاني
في فات اشواق

((..فتات اشواق..))

ياللي براسي../ حايز التفكير=ليتك تحس اليوم بإحساسي
كان الألم عن خافقي بيطير=ساعة معانق روحك انفاسي
ويداعب الغره صباح الخير=مشتاق شوفك ياهلي وناسي
حضورك اللي يشبه التقطير=غربل شعوري واحرق اطراسي
السالفه../ ماهي في التقصير=السالفه انك حيل بي قاسي
تغيب عني وخافقي بيغير=ان كان غيري يشرب بكاسي
حطيت حبك ياحياتي غير=حليت في قلبي وهوجاسي
بطيني الأيسر../ فراش وثير=وبطيني الأيمن../ لمجلاسي
فيه انتسامر ساعة التسيير=فيه انتنادم واقطف اغراسي
جوريك اللي اجتاحني تعطير=وشهد نهرك اعلن افلاسي
فجّر المَّ في خاطري تفجير=طهّر جروحي حل وسواسي
ابيك تغفي ليلتك ويصير=تلقى قذوعك هب../ نسناسي
وابيك لا ضاقت انا التفسير=ويحل في عينيك نوماسي
عاجل حضورك مااحتمل تأخير=ردد معاه الكيف ياراسي
ابي علاج القاك للتفكير=وابي فتات اشواق لأحساسي

مخرجــ

الحب ذكرى والسوالف مديه=والليل مسرا واسر ياساري الليل

شعر

احمد المنتشري
بوح القصيد