البــارحــه طلعـت رقمـــك ودقييـــت = مـــره وكــم كــررت لك با أتصالــي
دقيتــلك ليتــك علـى الرقـم رديــت = يا بعـد عربانـي وأهلــي وخوالـــي
قصدي ابارك لك بذا الشــهر حبيـت = وأقول لك كـل عـام وانتــه حلالــي
عديت في بعدك وكم يــوم عـديــت = أحسب ثواني الوقت هي والليالي
شليـت اناباالصـوت وكم يـوم شليت = وياكم وكم ونيت من ضيق حالــي
ناديـت بأعلى الصــوت يازيـن ناديــت = من بعد ماهجرك قطع في وصالـي
يأحلى من السكرولك ذوق شكليت = أقسم لك إنك في العمررأس مالي
يحرم علي بعــدك إذا كــان خاوييــت = غيرك حرام انـي مخـاوي ضلالــي
لاني بحيا (ن) فـي بعـادك ولا مييــت = الله يصونــك مــن نضرلــي رثالــي
لجلك ومن شانك انا اليوم هجيــيــت = وأسعفت للغربه وسطها مصالــي
يازيــن تذكــر كــم لكــم قــد تعنيــت = وأكلفت عا الجمره تشق الرمالــي
وأدخلتــها مـن حيــث ما مـر وانييــت = وعبرتها والـرأس مرفــوع عالــــي
كـم (ن) كــروزر مايمـر حيــث مريـــت = يحلم ويبطي عظم يوقف قبالـــي
خطــاك يا الغـالـــي علينـــا تغليــــت = وخطاي يوم اني عطيتك مجالــي
سكنت في داخل ضلوعـي وحلييــت = أسكن بقلبي دامه أسمك دوالي
حفـرت قبــري كــان عنـــي تخلييــت = لاغبت عني يوم شف وش جرالي
حالــي صعيبــه مثـل نــازح بلا بيــــت = وألا كما منهو فقد شـوف غالــي
مايوم فـي حقـك تجريـــت وأخطيـــت = وأنته بحقي دايــم (ن) ما تبالــي
ولا منــه الهاجـس ضوانــي وسجيــت = رسمت لك صوره بداخل خيالــي
دقيتــلك ليتــك علــى الرقــم رديـــت = يا بعد عرباني وأهلــي وخوالــي
الجمره: وهي سيارتي ويطلق عليها اسم الجمره وهي وانيت موديل 2002 هايلكس