أقل مايمكن أن يقال في وفاء هذا الرجل الشهم الذي أهتم بموروثنا
وأحياءه؟ بتكرمه بتبني جائزه شهريه سنويه للتنافس الشريف بين محبي هذا التراث والمهتمين به فهنياً للشيخ عبدالعزيز
بن مبخوت بن شريشر النهدي أبو وليد هذا التميز
أبتدي بلي عطانا العقل وأعطانا البصيره=والحواس الباقيه؟والعفو نعمه والثبات
عبدك المسكين عائش فوق كوره مستديره=حانياً راسه ويدعي في صباحه والمبات
خايف الشيطان قدامه يدق طبل المسيره=يوصله لادار مشؤمه 0يشتت به شتات
العدو تعرفه با البندق ومسبت للذخيره=واللعين أبليس ماشي فيه من هذا الصفات
ياقلم طوّع حروف الضاد في قصه مثيره=صاغها شاعر من الخاطر بدون أمجاملات
خلها مصباح يعطي أشعاع للعين الظريره=لاتحرك باتحس بن ذا الليالي مظلمات
باتميّز ليلها الدامس من أوقات الظهيره=با الأشاره؟ لنطفت ولاّالأشائر والعات
فارق التوقيت بايصبح بمقدور القريره= أمر ماهو صعب مره؟حيث ماراحت وجات
قصتي ماهي بسيطه بل ذه قصه خطيره=أشر الأنبير أحمروالعيون أمفرقزات
سبتوا الموروث يصحاب الملايين الكثيره=ماتعورتوا وقلتوا خاف ذا الموروث مات
ياترى هل ياترى هل عاد شي نخوه وغيره=في ظمائر ميته لالاف تعبد والميات
أبشروا وأستبشروا مامات راسخ مثل صيره=شله الظرغام لاروس الحيود النائفات
بووليد الشهم دولاره كما مليار ليره=من فلوس البؤساء لي يصرفوها عا البنات
قد تبرع في هدؤ ولا لقاء ظوله ونيره=وأحتسب لله تشجيع العقول النيرات
أبننا عبد العزيزالمحترم نفسه كبيره= والنفوس الخائبه تبقا دواماً خائبات
حق للجمال قال إسعيد يفخر في بعيره=ينشرح خاطره لاشاف القطيره لاويات
شي في المعدي وباقي الركب في عقبة حويره=يضحك الجمّال لاشاف الجمال أمحملات
ماتهاب الحمل والشقعه تسويها مطيره=هاويات البعد يرعن فا الخبوت الخاليات
تعرف الرجّال من شكله وقدره فا العشيره=والسمو والخلق؟والنيه من أخيار النيات
أعلنوا يانهد فاالأ أرتي هي والجزيره=بن لديكم أبن محمود الخصائل والصفات
الكرم طبعه وساس المرجله قلته وبيره=وأسمكم عند مقدس فا الخضيره والسنات
والعمل كله بدقه والحلي فوق النصيره=بن شريشر للعمل ملقي دواسر موشرات
وأختم أكلامي بذي سيرته لاياخير سيره=ذي عليه النور هل من عند رب الكائنات