^^ أســـولـف فـيــكـــِ ^^
اسولف فيكِ ياعمري وصبّر قلب محتاجِك= وخفف زحمت آلامه بغيابك بالتهوجاسي
زرعتيني ببحر الشوق ثم ٍ غابت امواجك=تركتيني على غفله ولا داريتي إحساسي
تعبت ومرة الأيام ارقب لحظة إفراجك =اخبي حسرتي واشكي لطيفك همي وياسي
واحبك رغم كل هذا وداري شمعة إسراجك= لأنك مهجة إفوادي وكل ربعي وكل ناسي
خذي قلبي خذي روحي خذي كل شي بمزاجك= ولكن لاتسيبيني بحبك اعلن إفلاسي
تعالي نعن ابوغيرك تراني تهت ببراجك=اقلب في صحايفها إلين إتضيق انفاسي
نسيتي حبي اللي كان اجمل طوق بسياجك= نسيتي او تناسيتي انا والله مو ناسي
وش اللي صار قولي لي وش اللي سبب ازعاجك= يخسي اللي غلط فيكي بكلمه ينتهي خاسي
او انه فلم ألفتيه من فنك واخراجك=تبين المعرفه إش كثر حبك صار نبراسي
تراك انتي الغلا كله وكل الحب بدراجك= ومن غيرك يصير الكون مظلم موحش ٍ قاسي
اخيرا يامناي آسف إذا تسببت بإحراجك= احبك لاتلوميني وحبك تاج ع راسي