متواضـعـه على السريع للتــــــــواصل .....
>>> ثـوب الـولـه <<<
شوقي لمحبوبي معي شي معتاد= ( وثوب الوله) عندي مفصّل قياسه
لوغاب عن عيني دخل عمق لفواد= ون تاه عن بالي خيالي لباسه
لأن الغلا عندي جماعات وأفراد= لو يختفي عني تفجّر حماسه
توصله للقمة على متن طرّاد= ما يشتكي همه نقاط الحراسه
وحبي بكل لحظه من الشوق يزداد= يثني على حظه وقوة اساسه
ياصاحبي كل شي مع الحب ينصاد= السلطنه والعز وفن السياسه
العز يهدي صاحبه صيت وامجاد= والخل يهدي للخليل الوناسه
والدون يرمي صاحبه بين الأوغاد= يرضى له البيعه بليا دراسه
والحُر قوله نافذ إبدون ميعاد= يوفيه لو حتى على قص راسه
وســلامتكم ،،، والسموحه اذا به قصور