[ابونورا]

مرمطون يحييكم
ويسعد صباحكم ومساكم
يعني بالله ياجماعة فيه احد يعمل تعداد سكاني ويطق بيبان الناس
بسأل كم سؤال...؟
ولكم...التفكير
أولاً
لو كذب رب البيت وقال ماعندي ولا ولد وهم عشرة..وين الدقة بالإحصاء.؟
---------------
لو طقوا ربع الإحصاء باب شقة ومافتحوا ..أو كانوا مسافرين شهر او شهرين..تعتقدون انهم بيتابعوهم إلين يسألون كم عددكم..وين الدقة.؟
---------------

العجيب..انهم يلفوا على المستشفيات ويأخذوا معلومات من المرضى عن الإحصاء..ياربي طب وان سألتوا أهاليهم اللي في البيوت..وين الدقة ..؟
---------------

تصدقون..واحد من ربع الإحصاء يقول تصدقون اني درت على البيوت.. ونسيت بيتنا ماسويت لهم ورقة احصاء..يالبى قلبك بس ..تدرون ليش ؟أنا اقولكم..لأن بقرارة نفسه مو مقتنع
--------------
فليش الفلسفه الزايدة
لكن الحلول كالتالي
فيه اختراع اسمه الشبكه العنكبوتية..؟
فيه نظام أسمه كمبيوتر ..وبيانات..؟
فيه..شي اسمه ثقه بأجهزة نستخدمها..؟
فيه شي سبقونا العالم واحنا مخلينه بس للماسنجر ههه والمنتديات...؟
ياخي..ريحونا وبلاش طقطقه على الأبواب
وبعدين ماسمعتوا بالعصابات اللي مسوين انهم تبع الاحصاء ويتهجمون على ربة البيت وسرقات البيوت
المهم..فالأهم
أأأأأأقول
خذوا بيناتكم من الأحوال
والجوازات
والمواليد عشان ماينقص عدد اللي انولد في ذاك اليوم لو انتم دقيقين
أطلت فمللتم..فالعذر لكم
الصورة خير معبر عن كلامي


والله قوييييية











واااااااااااااااااعجبي

انا شخصيا اتصل بي موظف التعداد قال دقيت عالبيت ماحد يرد قلت له الاهل خارج السعوديه فطلب عنون العمل وجاني
وجلسنا سواء وجيت بعطيه تفاصيل قال لا اسمك وجنسيتك واخذ بياناتي انا وزوجتي وواحد من العيال ويوم قلت له الولد معي والاهل قال لا بس كده يكفي وحسيت انه بس بيسوي اثبات وجود وبينقلع انا وحدي اخربت بيت التعداد كيف مليون واحد غيري
تبون الصدق ماعندك احد لاذمه ولا ضمير
حيابكم





أرجو الدعاء لي بحسن الخاتمة