قصيدة حلوة وش رأيكم فيها؟
للشاعر جابر بن هايف العتيبي
وخير وش صار اذا رحتي ودرب الكلب على القصاب؟
مصيـرك راجعـه مـع درب ودا غيـرك وجـابـه
شنو يعنـي اذا رحتـي مـن كـذاب الـى كـذاب..
شنـو يعنـي وغـيـر الكـاذبـه الفـيـن كـذابـه
على فكره ترى النصاب ما ينصب علـى النصـاب..
وكـل بـنـت بهدنـيـا تـقـول احــب نصـابـه
انا ماني غشيـم احـط ايـدي فـي جحـر هالـداب.
. وصعبـه مرتيـن الـدغ بهـذا الجـرح وانـدابـه
مدام ان البشر مـن طيـن او خلنـا نقـول تـراب..
انـا مـن جيـت للدنيـا ادوس الطـيـن وتـرابـه
انا عايش على هالأرض ولا فيها حسبـت حسـاب..
وربي ما انخلـق لليـوم شخـص احسـب حسابـه
ولكـن وآه يالكـن وكـل شـي ولــه اسـبـاب..
وانا حظـي عطانـي كـف وكـان العشـق اسبابـه
غلط مني عشقت وجيت اشيل من الضلوع احطـاب..
مدام اللي كسـرت صـدري معهـا فـاس وحطابـه
سرقت من الوفاء مهـره وطاحـت وانكسـر ركـاب.
. وهم قالوا علـى مـا قيـل يعـرف الخيـل ركابـه
وانا خيال ابـن خيـال وراس الخيـل منـي شـاب..
على ظهـر الاصايـل مـا تركـت السيـف بجرابـه
ولكن الزمن خايـن وانـا ويـا الزمـن اصحـاب..
. غدريبي وليه يغـدر بـي وكنـت اعـز اصحابـه
يبنـي لقمـة سهلـه علـى المخـلاب والانـيـاب.
. وقيـل ان لـم تكـن ذيـب بتاكـل لحمـك ذيابـه
وانا مالي عشى للذيب انا اللـي قـد اكلـت ذيـاب..
علـي تشهـد نجـوم السمـاء والضلـع ومرقابـه
واذا كان الزمن مبسوط قبلـه مـا فرحـت اشنـاب..
ومن يطـرق لبـاب النـاس تطـرق العـرب بابـه
انا ما جيت هـي جتني.وقالـت اعشقـك باعجـاب .
. وانـا كلـي فخـر بالشعـر وجمهـوره واعجابـه
وقامت تحكي وتحكي.وانـا واقـف بـلا استعيـاب..
واراقـب عينهـا وشفتهـا اللـي حـيـل جـذابـه
وتسئلنـي واتمتـم بالحكـي مـدري لسانـي ذاب .
. وحلقي ضاع وحنجرتـي تخنـق الصـوت مرتابـه
هـي كانـت بدايـه الغـلا للمظـهـر الـجـذاب..
خدعنـي شكلـهـا رغــم هالاشـكـال تتشـابـه
غلطت وجيت من اقصاي وخانتنـي بعـذر غيـاب..
تقـول اللـي يغيـب احـاول اتسلـى عـن غيابـه
شعار الحب هات وخذ وانـا مـن ياخـذ ولا جـاب.
. بعكس العكس اخذ وهات اخـاف اعطيـه وابلابـه
حسافـه هالقصيـده فـي غبيـه مالهـا اعـراب .
. وانا للشعـر فـي عينـي مكـان يصعـب اعرابـه
امانه لا رحلت وصـارت احروفـي هنـا اغـراب..
ابـي واحـد يـردد قصـة العصـفـور والغـابـه