[سودانية]

السلام عليكم ورحمة الله وبركاته
انا كنت بدور علي امثال سودانية وبالصدفة شفت المشاركة دي واشتركت مخصوص عشان ارد عليكم
اولا حاتكلم سوداني عشان الاخ الي بيقلد السودانيين يعرف اللغة كويس
ثانيا الامثال دي ما سودانية دا كلام بيضحكوا بيهو علي السودانيين بس في مثل سوداني بيقول (الجمل مابشوف عوجة رقبتوا) دورو علي الترجمة الحرفية في قوقل .لكن المعني المقصود أنو الواحد ما بشوف الغلط اللي في نفسو ويتكلم عن الناس التانيين.
ثالثا والاهم انو السودانيين ما كسلانيين .ومن الغباء انو الواحد يتكلم في حاجة مابيعرفا. والسوداني موجود في اي مكان وزمان والكسلان يمتنع عن التواجد صاح ولا لا؟
أخيرا في مثل سوداني بيقول ( الكلمة الطيبة جواز سفر)